耶和華對摩西話。
正月初一日、你要建立會幕。
將約櫃放在內、又用簾遮住約櫃。
將檯搬入去、上面陳設所當陳設嘅、又將燈臺搬入去、點著燈。
將焚香嘅金壇、放在約櫃面前、掛起帷幕嘅門簾。
將燔祭嘅壇放在會幕門前。
將洗浴嘅盤放在會幕共壇嘅中間、盤中載水。
在帷幕四圍建立院牆、掛院門嘅簾。
用膏油搽帷幕、及其中凡所有嘅、共一切器具、別開為聖、噉就係聖嘅。
又搽燔祭嘅壇、共壇嘅一切器具、別開壇為聖、壇就成為至聖。
又搽洗浴嘅盤腳、別開為聖。
又帶亞倫及佢嘅眾子、到會幕嘅門前、用水洗佢哋。
將聖衣共亞倫著起、𢬿油搽佢、別開為聖、等佢做我祭司嘅職。
又帶佢嘅眾子、共佢哋著起袍。
搽佢哋好似搽佢哋父親噉、等佢哋做我祭司嘅職、因為佢哋受嘵膏、就歷代都永遠做祭司。
摩西噉樣行、係遵依耶和華凡所吩咐嘅。
到第二年正月初一日、就建立帷幕。
摩西建立帷幕、設座、立板、上閂、立柱。
喺帷幕上面撑開幕盖、又將上葢加在頂頭、係遵依耶和華所吩咐摩西嘅。
又將證詞藏在櫃中、將杠穿在櫃旁、又將贖罪所放在櫃上。
將櫃擡入帷幕內、掛起布簾、遮掩約櫃、係遵依耶和華所吩咐摩西嘅。
又將檯放在會幕北便、在簾外。
又𢬿陳設嘅餅放在檯上、在耶和華面前、係遵依耶和華所吩咐摩西嘅。
將燈臺放在會幕嘅南便、共檯相對。
在耶和華面前點著燈、係遵依耶和華所吩咐摩西嘅。
將金壇放在會幕內嘅簾前。
在壇上焚燒馨香、係遵依耶和華所吩咐摩西嘅。
又掛起帷幕嘅門簾。
又喺會幕嘅門前、放燔祭壇、在壇上獻燔祭及素祭、係遵依耶和華所吩咐摩西嘅。
又將洗浴盤放在會幕及壇嘅中間、盤中載水嚟洗浴。
摩西共亞倫及佢嘅眾子、都𢬿個的水洗手洗腳。
佢哋入會幕之時、或近壇之時、就洗浴、係遵依耶和華所吩咐摩西嘅。
又喺會幕及壇嘅四圍建設院牆、而且掛起院門嘅簾、噉樣、摩西就完工。
個時、有雲遮葢會幕、耶和華嘅榮光、充滿帷幕。
摩西不能入會幕、因為有雲止在上頭、耶和華嘅榮光、充滿帷幕呀。
從帷幕昇上、以色列人就起程去各處。
若係雲唔昇上、就唔起程、等到雲昇嘅日子。
因為佢哋凡所行之路、帷幕之上日間有主嘅雲、夜間有火光、在以色列眾人嘅眼前。