1
後來、摩西亞倫入去、對法老話、以色列嘅神耶和華有噉話、准我嘅百姓去、等佢哋喺曠野為我守節筵。
2
法老話、耶和華係乜誰、要我聽從佢話、放以色列人去呢、我唔識耶和華、亦唔肯放以色列人去。
3
摩西亞倫話、希伯來人嘅神降臨我哋、求你准我哋去曠野、行三日路、祭我嘅神耶和華、恐怕佢令瘟疫刀兵及到我處。
4
埃及王對佢哋話、摩西亞倫、你哋為乜阻住百姓做工夫呢、你去照舊做工夫罷喇。
5
法老又話、睇喇、呢處嘅百姓眾多、你係令佢歇息工夫咯。
6
個日法老吩咐督以色列做工嘅人、及佢哋嘅長官。
7
你哋咪好似先時俾禾稈過百姓整磚、要佢哋自己去搵。
8
你叫佢仍然照從前嘅數目整磚、唔好減少、因此佢哋懶惰、故此喓話、准我去祭我嘅神。
9
但要加重佢哋嘅工夫、咪俾佢聽虛假嘅說話、
10
督以色列做工嘅人、共佢哋嘅長官、出去對百姓話、法老有噉話、我唔俾禾稈過你。
11
你哋隨處去搵禾稈囉、但工夫斷唔減少。
12
於是百姓散開通埃及地、找尋草根當作禾稈。
13
督工嘅人催佢哋話、要做嘥每日限定嘅工夫、共先時有禾稈一樣。
14
法老嘅督工人、鞭打佢所立做以色列人嘅長官、
15
又問佢哋話、為乜你噉樣待你僕呢。
16
冇禾稈俾過你僕、但佢要我整磚、噉就你僕受鞭打、此係你自己百姓之過呀。
17
法老話、你哋係懶惰嘅、你哋係懶惰、故此話、准我去祭耶和華。
18
如今你哋去喇、做工夫咯、唔俾禾稈過你、但必要照數交磚。
19
以色列人嘅長官、聽聞話每日要照數交磚、不可減少、就知到自己有禍咯。
20
離開法老出去、剛啱遇著摩西亞倫對面企處。
21
就對佢哋話、耶和華鑒察你、審判你、因你令我哋喺法老面前、及佢臣僕面前、有嘵臭名、交刀過佢手嚟殺我哋。
22
摩西番到耶和華處、話、主呀、你為乜害呢的百姓、為乜打發我呢。
23
自從我去見法老、託你名對佢講之時、佢就刻薄呢的百姓、你總未曾拯救你百姓呀。