耶和華對摩西話、我向法老所要做嘅、你必噲睇見、因我將用大能嘅手、令佢放眾人去、而且用大能嘅手、令佢趕逐眾人出佢嘅境界。
神又對摩西話、我係耶和華。
昔日我顯現過亞伯拉罕、以撒、雅各、佢哋識我名全能之神、但唔識我名耶和華。
我又共佢哋立約、𢬿佢所寄居嘅地、即係迦南賜過佢。
如今埃及人難為以色列人、我已經聽聞佢哋喊苦嘅聲、我亦記念前時嘅約。
所以對以色列人話、我係耶和華、我將帶你脫甪埃及人嘅重擔、令你唔使做佢哋嘅工夫、亦伸開大能嘅手降大刑罰、嚟救贖你哋。
我要你做百姓、我做你嘅神、等你知到我係你嘅神耶和華、帶你脫甪埃及人嘅重擔、
我從前舉手賜過亞伯拉罕、以撒、雅各嘅地、我必帶你去到個處、賜過你做產業、我係耶和華呀。
摩西𢬿呢的說話對以色列人講、但佢哋憂愁及辛苦、故此唔聽摩西話。
耶和華對摩西話。
你入去對埃及王法老話、叫佢放以色列人出佢嘅境界。
摩西喺耶和華面前話、睇吖、以色列人尚且唔聽我講、法老豈肯聽我冇口才嘅人咩。
耶和華對摩西、亞倫話、要通知以色列人及埃及王法老、等可帶以色列人出埃及地。
以色列人眾父家之長、列明在後、以色列長子流便、佢眾子哈諾、法路、希斯崙、迦米、呢的係流便嘅各族。
西面眾子耶母利、雅民、阿轄、雅斤、鎖轄及迦南婦人所生嘅少羅、呢的係西面嘅各族。
利未眾子嘅名、依佢族譜、即係革順、哥轄、米喇哩。利未享壽一百三十七歲。
革順眾子立尼、示每、依佢各族。
哥轄眾子暗蘭、以斯哥、希伯崙、鳥泄。哥轄享壽一百三十三歲。
米喇哩眾子抺利、母示、呢的係利未嘅支派、依佢各族。
暗蘭娶父親嘅姊妹約基別做妻、從佢生亞倫、摩西。暗蘭享壽一百三十七歲。
以斯哥眾子哥喇、尼弗、色哩。
鳥泄眾子米沙利、以利撒反、色哩。
亞倫娶拿順嘅姊妹亞米拿達嘅女、以利沙巴做妻、從佢生拿答、亞庇戶、以利亞撒、以大馬。
可喇眾子亞惜、以利迦拿、亞比亞撒、呢的係可喇嘅各族。
亞倫仔以利亞撒、娶部鐵眾女之中一個做妻、從佢生非尼哈、呢的係利未眾父家之長、依佢各族。
呢的亞倫、摩西係耶和華吩咐、帶以色列人、依佢嘅軍旅出埃及地嘅。
通知埃及王法老、帶以色列人出埃及地嘅、都係呢的摩西、亞倫。
當耶和華喺埃及地對摩西講個日。
耶和華對摩西話、我係耶和華、你要將我所話嘅講嘥過埃及王法老知。
摩西喺耶和華而前話、我冇口才嘅人、法老豈肯聽我話咩。