耶和華對摩西話、你要入去對法老話、希伯來人嘅神耶和華係噉話、放我百姓去、等佢哋服事我。
若唔肯放、仍然留住佢哋。
耶和華必𢬿瘟疫降落你田間嘅畜牲、即係馬、驢、駱駝、牛、羊。
耶和華必將以色列嘅畜牲、並埃及嘅畜牲分別開、凡屬以色列人嘅、必唔噲死。
耶和華限定日期、話、明日耶和華必在此地行此事。
到明日、耶和華就行此事、埃及嘅畜牲都死嘥、惟係以色列人嘅畜牲、冇一隻死。
法老打發人去睇以色列人嘅畜牲、果係冇一隻死、但法老嘅心頑梗、總唔放以色列人去。
耶和華對摩西亞倫話、你哋用手揸住爐灰、等摩西喺法老面前向天撒去。
就變為塵、飛滿埃及地落在埃及盡地嘅人共畜牲身上、必生出毒瘡。
佢哋就揸爐灰企在法老面前、摩西向天撒去、喺人共畜牲身上、就生出毒瘡。
博士因生瘡、不能企在摩西面前、因為博士共埃及眾人都生瘡呀。
耶和華令法老嘅心剛硬、致佢唔肯聽從、好似耶和華對摩西所講嘅。
耶和華對摩西話、你要早起身、企在法老面前、對佢話、希伯來人嘅神耶和華係噉話、放我百姓去、等佢哋服事我。
因為我呢陣時、噲𢬿各樣災降落你心中、與及你臣僕百姓、令你知到通天下冇一個能似我嘅。
因為我如今要舉手、用瘟疫攻擊你共你百姓、你必被滅絕在地。
我會令你企穩冇傾跌、想借你顯出我嘅能幹、等我名傳揚天下。
你重阻住我百姓、唔放佢哋去咩。
睇吖、明日近呢陣時、我必落重大嘅雹、自從埃及開國以來、未曾有噉樣嘅。
所以要即時打發人收藏你嘅畜牲、與及田間所有嘅、因為凡在田嘅人共畜牲、未曾番去屋(足企)嘅、被雹打親、就必定死。
法老臣僕中或畏耶和華所講嘅、就令僕人共畜牲、入熙躲避。
但唔在意耶和華所講嘅、就留落佢僕人共畜牲在田間。
耶和華對摩西話、你舉手向天、等雹降落通埃及地、降落人共畜牲、田間禾草、全埃及地都係。
摩西就舉起拐杖向天、耶和華令行雷落雹、火飛地面、噉就耶和華落雹在埃及全地。
於是有雹、雹中有極猛嘅火混雜、自從開國以來通埃及地未曾有噉樣嘅。
埃及地、凡在田間嘅人共畜牲、都被雹打、打壞田間所有嘅菜蔬、又打折田間所有嘅樹木。
獨係以色列人所住嘅坷山地冇雹。
法老打發人召摩西亞倫嚟、對佢哋話、我呢陣有罪、耶和華係公義、我共我百姓係行惡。
願你求耶和華咪再行大雷落雹、我就放你哋去、唔再留住你哋喺處。
摩西答話、我一出城、就舉起兩隻手向住耶和華、雷必止息、唔再有雹、等你知到全地俱屬耶和華。
惟係我知你及你臣僕、仍然唔畏懼神耶和華。
個時、麻共大麥被打壞、因為大麥已經結穗、麻已經開花咯。
但係細麥共粗麥唔曾被打壞、因佢未長大呀。
摩西離別法老出城、舉起兩隻手向住耶和華、雷雹就止息、雨唔落在地上。
法老見雨雷雹已經止息、自己共臣僕更加犯罪、心中剛硬。
法老心中剛硬、唔肯放以色列人去、好似耶和華託摩西所講嘅。