當時、間喇非做示拿王、亞略做以拉撒王、基大老馬做以攔王、提達做列國王。
同埋去攻打所多馬王庇喇、蛾摩拉王庇沙、押馬王示納、西編王示米別、與及庇拉王庇拉、即係鎖耳。
五個王聚會在西亭谷、即係鹽海。
呢五個王、服事基大老馬十二年、到十三年、就背叛咯。
十四年基大老馬、共同盟嘅王嚟齊、喺亞提律加割、攻打哩乏音嘅人喺哈麥攻打蘇西嘅人、喺沙微基列亭攻打以米嘅人、
在西耳山攻打何哩人、一到近曠野嘅耳巴蘭。
四個王番嚟到安密八、即係迦鐵、攻打亞馬勒所有嘅地方、與及住在哈洗遜嘅亞摩哩人。
於是所多馬王、蛾摩拉王、押馬王、西編王、庇拉王、都擺齊隊伍在西亭谷、
去攻打以攔王基大老馬、列邦王提達、示拿王間喇非拉撒王亞略、噉係四個王共五個王打。
西亭谷有好多石油坑、所多馬王及蛾摩拉王敗走、跌落坑中、其餘走入山。
四個王將所多馬蛾摩拉、所有物件、與及糧草、都搶嘥去。
亞伯蘭嘅姪羅得、住在所多馬、自己連埋物件都被敵人搶去。
有一個逃走出嚟嘅人嚟講過希伯來人亞伯蘭知、亞伯蘭住近亞峍哩人嘅橡樹個處、慢哩共兄弟以實各亞乃都同亞伯蘭結盟。
亞伯蘭聞得個姪被人擄掠、就帶領家中所養、練習嘅僕三百一十八人、追到但嘅地方。
漏夜帶住的僕分路去攻打、追到大馬色北邊嘅何巴城。
所有被搶嘅物件、連婦女人民、都攞番嘥嚟。
亞伯蘭打敗嘵基大老馬、兼合埋嘅王、佢番歸之時、所多馬王出到沙微谷、即係王谷迎接佢。
撒冷王麥基洗德、做至高上帝嘅祭司、擰餅共酒出嚟、
祝福亞伯蘭話、願天地之主、至高之上帝、賜福過亞伯蘭。
至高之上帝、既將敵人交過你手、係憑當讚美嘅、亞伯蘭𢬿所得嘅物件、十份擰一、送過麥基洗德、
所多馬王對亞伯蘭話、人就俾番我、物件你擰去喇。
亞伯蘭對所多馬王話、我指住至高上帝、天地之主耶和華嚟誓、
一條絲、一條鞋帶、我都唔要你嘅、免致你話我令亞伯蘭富厚。
惟係僕人所食嘅、與及同埋我行之人亞乃以實谷慢哩分所憑得嘅、就由得佢擰去。