1
呢的事之後、耶和華顯現出嚟、對亞伯蘭話、亞伯蘭唔使怕、我保護你好大賞賜過你。
2
亞伯蘭話、主、耶和華呀、有乜野俾過我呢、我冇仔、單係有大馬色人以利亞薩、做我管家嘅。
3
亞伯蘭又話、係唔賜仔過我、噉就在我家中生養個個、必承受我家業咯。
4
耶和華對佢話、個人不能承受得你家業、必由你本身生出嘅、致承受得你家業。
5
於是帶佢出外邊話、擔高頭睇吓天星、數得過唔呢、又話、你嘅後裔、必定照噉樣。
6
亞伯蘭信耶和華、耶和華就(算)佢為義。
7
又對佢話、我係耶和華、帶你出迦勒底嘅耳城、我要賜呢的地過你承受。
8
亞伯蘭話、主、耶和華呀、我點知到是必承受呢的地呢。
9
耶和華話、你攞一隻三年嘅牛女、一隻三年嘅羊女、一隻三年嘅羊公、一隻斑鳩、一隻白鴿仔、嚟奉過我。
10
亞伯蘭攞嘥嚟劏分開佢兩邊、呢邊對住個邊擠處、獨係雀鳥就唔分開。
11
個的麻鷹飛落嚟、在個的牛羊之上、亞伯藩趕佢。
12
熱頭將落之時、亞伯蘭瞓腍、覺得陰暗、就好慌。
13
耶和華對亞伯蘭話、你當知到你嘅後裔是必寄居異邦、服事異邦人、被佢刻薄四百年。
14
你後裔服事嘅異邦人、我必責罰佢、後來你嘅後裔帶好多財物出去。
15
你必定得享長壽、安樂番去祖宗處、死後葬埋。
16
你後裔到嘵四代、必番嚟呢處、因為亞麼哩人嘅罪重、未滿呀。
17
日落天黑之時、有煙嘅爐、有火嘅燈、從分開嘅牛羊之中經過、
18
個日耶和華共亞伯蘭立約話、自埃及河、至到伯辣大河、我將呢的地賜過你後裔、
19
即係基尼、基尼洗、甲摩尼、
20
赫比哩洗、哩乏音、
21
亞馬力、迦南、革加薩、耶布西、各族嘅地。