亞伯蘭九十九歲個時、耶和華顯現出嚟、對佢話、我係全能嘅上帝、你當行在我前、做個完全嘅人。
我共你立約、令你子孫眾多。
亞伯蘭俯伏在地、上帝又對佢話、
我共你立約、令你做列國嘅祖宗。
自今以後、唔再叫你名做亞伯蘭、要叫你做亞伯拉罕、因為我令你做列國嘅祖宗呀。
我必令你生養眾多、成為列國、列王都從你出。
我將共你歷代嘅後裔立約、作為永遠嘅約、即係我做你名你後裔嘅上帝。
如仇今你所寄居嘅地、即係迦南、我將全地賜過你、及你嘅後裔、永遠做世業、我亦必做佢嘅上帝。
上帝又對亞伯拉罕話、你及你嘅後裔、必須世世代代、守我嘅約。
你地之中嘅男子、都應當受割禮、呢的即係我賜過你及你後裔必要守嘅約。
你必割你陽嘅皮、嚟做我共你立約嘅記號。
你歷代嘅男子、或生在你家嘅、或唔係你後裔、係用銀從異邦買嚟嘅、既生出嚟第八日、都必受割禮。
噉就我嘅約、必在你身上嚟做永遠嘅約。
男子若唔受割禮嘅、是必在民間棄絕、佢因佢違背我嘅約呀。
上帝又對亞伯拉罕話、你妻唔再叫做撒勅、當叫做撒拉。
我必定祝福佢、佢為你生個仔、我必定祝福佢、令佢做列國嘅母親、列王要由佢出。
亞伯拉罕(口僕)倒地嚟笑、心中話、百歲嘅人、重噲生仔咩、而且撒拉已經九十歲咯、都噲生養咩。
亞伯拉罕求上帝話、但願以實馬利得生在你之前就好咯。
上帝話、你妻撒拉、必定要生子、當改佢名做以撒、我必要共以撒、及佢後裔立永遠嘅約。
至於以實馬利、我必准你所求、將祝福佢、令佢子孫、生長眾多、佢必生出十二個族長嚟、我使佢成為大國。
明年到呢個時候、撒拉必定生出以撒、我必要共以撒立約。
上帝講完、就離開亞伯拉罕、升上去咯。
個日、亞伯拉罕依上帝吩咐、將個仔以實馬利、及家中所生嘅、或用銀買嚟嘅、所有男子、都行割禮。
亞伯拉罕受割禮之時、已經九十九歲咯。
佢仔以實馬利受割禮之時、係十三歲。
個日、亞伯拉罕共個仔以實馬利、同受割禮。
佢家中之人、或係在家生嘅、或𢬿銀從外國買嚟嘅、都受割禮。