耶和華依住佢所講、嚟眷顧撒拉、照番佢所應許、嚟看待撒拉。
撒拉當亞伯拉罕年老之時、懷孕生子、係上帝所講嘅日期。
亞伯拉罕叫個仔嘅名為以撒、即係撒拉所生嘅。
生出嚟第八日、亞伯拉罕依上帝吩咐、為以撒行割禮。
亞伯拉罕生子以撒之時、佢係一百歲。
撒拉話、上帝既令我歡笑、但凡聽聞嘅、必同埋我歡笑。
又話、亞伯拉罕年老、我致生子過佢、在先乜誰對得亞伯拉罕話、
撒拉是必俾奶餵仔呢個仔漸漸長大、就斷嘵奶、以撒斷奶個日、亞伯拉罕擺大酒席。
撒拉睇見埃及女夏甲嘅仔、係從亞伯拉罕所生嘅、喺處譏笑、
就對亞伯拉罕造、趕呢個奴婢、共佢嘅仔出去、因為奴婢嘅仔、必不能共我嘅仔以撒同受家業。
亞伯拉罕為個仔嘅緣故、就好閉翳。
上帝對亞伯拉罕話、你咪因為呢個仔共奴婢嘅事嚟閉翳、你可以聽從撒拉嘅說話、因為由以撒所生嘅、致叫做你嘅後裔。
至於奴婢之子、我亦令佢成為一國、因佢亦係你所生嘅。
亞伯拉罕清早起身、擰的餅共一皮袋嘅水俾過夏甲托在膊頭、叫佢帶埋個仔出去、夏甲就行、行到別是巴、迷失嘵路。
使嘥袋嘅水、就擠個仔落一棵樹腳、
自己行開一箭路咁遠、對住嚟坐、話、我不忍睇見個仔死、就對住坐處、放聲大哭。
上帝聽聞個仔嘅聲、天使從天叫夏甲話、
夏甲你有乜事呢、你唔使慌、你仔喺個處、上帝聽聞佢聲咯、你起身扶住個細蚊仔、我將來使佢成為一大國嘅。
上帝開夏甲嘅眼、令佢睇見有水泉、就去攞水、載滿皮袋、俾過仔飲。
上帝保佑個仔、佢長大起嚟、喺野上住、極噲射箭。
在巴蘭嘅野居住、佢母親替佢娶個埃及女做妻。
個陣時、亞庇米力共佢嘅將軍非各對亞伯拉罕話、所有你做嘅事、上帝保佑你。
如今在呢處指住上帝誓願、唔好向我、與及我嘅子孫做假偽、我好看待你、你亦要照噉樣好看待我、共你所寄居個處之人。
亞伯拉罕話、我可以誓願。
從前亞庇米力嘅僕、霸佔一個井、故此亞伯拉罕責成亞庇米力。
亞庇米力話、乜誰做呢件事、我都唔知、你一向未曾話過我知。到今日我致聽聞、
亞伯拉罕擰牛羊送過亞庇米力、兩人就彼此立約。
亞伯拉罕將七隻羊乸仔擠埋一處。
亞庇米力對亞伯拉罕話、呢七隻羊乸仔擠埋一處做乜呢。
亞伯拉罕話、你必受嘵我呢七隻羊乸仔、嚟做我掘呢個井嘅憑據。
佢兩人喺呢處誓願、故此叫個處做別是巴。
既喺別是巴立約之後、亞庇米力同埋佢嘅將軍非各行番去非利士地方。
亞伯拉罕喺別是巴種落樹木、在個處禱告永生上帝耶和華嘅名。
亞伯拉罕喺非利士地方住嘵好耐。