亞伯拉罕又續娶一個妻、名叫基都拉。
佢從亞伯拉罕生心蘭約山、米但、米田、益八、書亞。
約山生示巴、底但嘅仔亞書利、利都是、利鳥米。
米田嘅仔以法、以弗、哈諾、亞庇大、比勒大、呢的都係基都拉嘅子孫。
亞伯拉罕將所有嘅產業、都賜過以撒。
當亞伯拉罕在生之日、又將物件分過眾妾嘅仔、使佢地離開以撒、去東便地方、
亞伯拉罕享壽一百七十五歲。
年紀老邁就老、番去自己祖索個處。
佢仔以撒、共以實馬利、將佢葬在麥比拉巖、呢個巖、係在幔唯對面赫人鎖轄嘅仔、以弗崙之田處、即係亞伯拉罕向赫人所買嘅、亞伯拉罕共妻撒拉、都葬在個處。
即係亞伯拉罕向赫人所買嘅、亞伯拉罕共妻撒拉、都葬在個處。
亞伯拉罕死後、上帝祝福佢仔以撒、以撒所住、係近別拉海萊嘅井。
撒拉嘅婢埃及人夏甲、由亞伯拉罕所生嘅仔以實馬利、個的族譜、依住佢支派嘅名氏、列明在左。
以實馬利初生尼排約、又生基達、押別、密衫。
軏馬、馬撒、
哈達、提馬、益督、拿非實、其底馬。
呢的都係以實馬利眾子嘅名、依住佢地嘅鄉黨、做十二個族長、管理佢嘅支派。
以實馬利享壽一百三十七歲、氣絕而死、番去自己祖宗處。
以實馬利子孫所住之地、在佢兄弟東邊、個地係從哈拉腓至到書耳嘅、人從埃及去亞述國、必要經過佢嘅地。
亞伯拉罕之子以撒嘅族譜、列明在左、亞伯拉罕生以撒、
以撒四十歲、娶利百加、佢係巴坦亞蘭人、彼土利嘅女、亞蘭人拉班嘅妹。
以撒因個妻不能成孕、就替佢祈禱耶和華、耶和華准佢所祈、令佢妻利百加懷嘵孕。
佢嘅仔在胎裏相爭、利百加話、因何我噲噉樣呢、就去求耶和華。
耶和華話、你有兩個男胎、必從你肚裏生出嚟、後來成為兩國、此必強過彼、長嘅服事幼。
及將產嘅日期既滿、佢胎係孖嘅。
先產個個、身係紅色、週身有毛、好似皮裘噉、名叫以掃。
後產個個、係手拉住大佬以掃嘅腳踭、名叫雅各、利伯加生呢兩個仔之時、以撒年六十歲。
兩個仔長大、以掃甚噲打獵、喺野外遊行、雅各為人樸實、喺帳幕居住。
以撒愛以掃、因為好食佢嘅野味、惟係利百加愛雅各。
雅各煮羹、以掃從野上番歸、見疚癐。
以掃對雅各話、我疚癐咯、請你俾呢的紅豆羹過我食喇、故此佢名又叫做以東。
雅各話、將你長子嘅業、今日賣過我囉。
以掃話、我要死咯、呢的長子嘅名分、於我有乜益呢。
雅各話、你今日對我誓願喇、以掃就對佢誓願、將長子嘅業、賣過雅各。
雅各就𢬿餅共紅豆羹、俾過以掃、以掃飲嘵、就起身出去、噉樣、以掃係睇輕長子嘅業咯。