以撒年老之時、眼矇唔睇得野真、叫長子以掃嚟、對佢話、我嘅仔呀。以掃對父親話、我喺呢處。
以撒話、我老咯、唔知幾時死。
你可擰你嘅器械弓箭出去野外、為我打獵。
照依我所好食嘅製成美味、拈嚟俾我食、等我喺未死之時、替你祝福。
以撒吩咐個仔以掃之時、利百加聽聞嘥、及後、以掃出去野上打獵、
利百加對佢仔雅各話、我聽聞你父親吩咐你大佬以掃話、
為我打獵、製成美味、俾過我食、趁我未死之時、當耶和華前、替你祝福。
如今我吩咐仔你、要聽我話、
你去羊群之中、揀擇兩隻山羊嚟、等我照依你父親所好食嘅製成美味。
你𢬿嚟送過你父親食、等佢趁未死之時、替你祝福。
雅各對佢母親利百加話、我大佬以掃全身有毛、我個身係光滑、
倘若父親摩著我、話我呃佢、噉我求佢祝福、反受咒詛嚹。
母親話、我仔呀、你嘅咒詛歸我、你只管聽我話、去攞的羊嚟喇。
雅各就去攞嚟、俾過母親、母親題依佢父親所好食嘅、製成美味。
利百加攞大仔以掃留落屋(足企)嘅華美衣服、俾過細仔雅各著。
又擰的羊皮摟落雅各嘅手、及頸光滑個處。
將佢所製好嘅美味共餅、交過雅各手。
雅各入去父親處話、我父呀。佢父親話、我喺呢處、仔呀、你係乜誰。
雅各話、我係你大仔以掃、依你吩咐嚟做、請你起身坐、食我的野味、等你替我祝福。
以撒對佢話、我仔呀、你點得咁快呢。雅各話、因你嘅上帝耶和華賜過我嘅。
以撒話、你行埋嚟、俾我摩吓、睇真係我嘅仔以掃唔係。
雅各就行埋父親處、以撒摩吓就話、聲係雅各嘅聲、惟係手係以掃嘅手。
因此佢手有毛、好似大佬以掃噉、所以唔分得出、噉就祝福佢。
話你真係我仔以掃唔係呢。佢話係。
以撒話、擰你所得嘅野味嚟我食、等我替你祝福、佢就擰嚟父親食、又擰酒俾父親飲。
以撒對佢話、我仔呀、行埋嚟、共我親嘴喻。
雅各就行埋去、共父親親嘴、父親聞見佢衣服的香氣、就祝福話、我仔嘅香氣猶如耶和華所祝之田嘅香氣一樣。
願上帝將天上甘露、地上肥土賜過你、穀共酒都豐足。
願萬民服事你、列國拜跪你、你做兄弟嘅主、同母嘅仔拜跪你、詛你嘅佢必受詛、祝你嘅佢必受祝。
以撒祝完雅各嘅福、雅各致離開父親出去、佢大佬以掃適值打獵番歸。
六製成美味擰嚟父親話、請父親起身、食我所得嘅野味、等你替我祝福喇。
父親以掃問佢話、你係乜誰。佢話、我係你長子以掃。
以撒就慌到好震話、你未嚟之先、乜誰已經打倒野味嚟俾我、我食嘵、替佢祝福咯、而且佢必定受福咯。
以掃聽聞父親嘅話、大聲痛哭對佢話、父親呀、請你亦祝福我喇。
以撒話、你細佬詭譎嚟奪你嘅福咯。
以掃話、佢名叫雅各、豈唔係著咩、佢呃我兩次咯、從前佢奪我長子嘅業、如今又奪我嘅福呀。
以撒對佢話、我已經立佢做你嘅主、令眾兄弟都服事佢、我又𢬿穀酒供奉佢咯、我仔呀、我如今𢬿乜野俾過你呢。
以掃對父親話、我父所祝嘅福、止係一樣(口這)咩、請父親亦替我祝福喇、就發聲喊起嚟。
以撒對佢話、你所住嘅地、得天所降嘅甘露、時常肥美。
你將來靠刀劍嚟度日、又要服事你細佬、惟係你得權柄之時、你頸就脫甩佢嘅軛。
以掃因父親替雅各祝福、就惱雅各、心中話、父親死嘅日期、係將近咯、到個時、我必殺細佬。
有人𢬿長子以掃所講嘅、話過利百加知、利百加就叫細仔雅各嚟、對佢話、你大佬以掃想殺你嚟消氣呀。
噉樣、我仔要聽我吩咐、起身走去哈蘭、見我大佬拉班、
喺個處住幾日、等到你大佬惱完。
若係你大佬惱完、亦唔記得你所做嘅事、我就打發人帶係番嚟、我點捨得一日喪失你兩人呢。
利百加對以撒話、因赫人嘅女、我好厭棄生命咯、倘若雅各亦娶赫人為妻、即係呢處嘅女、我重生有乜益呢。