以撒叫雅各嚟、替佢祝賀、吩咐佢話、你唔好娶設南嘅女為妻。
你起身去巴坦亞蘭、到你外公彼土利嘅家、在你舅父拉班嘅女之中、娶一個為妻。
願全能嘅上帝祝福你、令你子孫眾多、成為億萬。
又𢬿所祝亞伯拉罕嘅福賜過你、及你嘅子孫又𢬿賜過亞伯拉罕嘅地方、即係你如今寄居嘅地方、俾過你做產業。
以撒打發雅各去、就去巴坦亞蘭地方、見亞蘭人彼土利嘅仔拉班、即係利百加嘅大佬、以掃雅各嘅舅父。
以掃見以撒既祝福雅各、打發佢去巴坦亞蘭、要喺個處娶妻、又當祝福之時、吩咐佢話、你唔好娶迦南嘅女為妻、
又見雅各依從父母嘅命、去巴坦亞蘭、
又知到父親以撒唔歡喜迦南嘅女咯。
故此去到以實馬利個處、喺佢兩個妻之外、又娶馬哈喇為妻、馬哈喇、係亞伯拉罕嘅、以實馬利之女尼排約嘅妹。
雅各離開別是巴、向住哈蘭去、
到一處、熱頭已經落、就喺個處歇宿、攞一嚿石做枕頭、瞓倒個處。
夢見有一張梯、憑住地處、梯頭頂到天、上帝嘅使者喺處上落。
耶和華企在上頭話、我係耶和華、你祖宗亞伯拉罕嘅上帝、以撒嘅上帝、如今你所瞓嘅地方、我必賜過你、與及你嘅後裔。
你嘅後裔、將來好似地上泥塵咁多、生開到東西南北咁闊、天下萬民、必定賴你及你嘅後裔得福。
你唔論去邊處、我都保佑你、護衛你、帶你番嚟呢處、我唔丟棄你、我應許你嘅是必要做成。
雅各瞓醒就話、耶和華喺呢處、我竟然唔知到、
就慌起嚟話、呢笪地方、真係當敬畏(口駕)、呢處豈唔係上帝嘅殿、天嘅門咩。
雅各清早起身、將所枕嘅石頭、豎起做一條柱、斟的油在佢上頭。
呢笪地方、原本名叫路斯、雅各攻佢名為伯特利。
雅各誓個願話、我所行嘅路、上帝若係保佑我、護衛我、𢬿衣食賜過我、21. 令我平安番到父親家中、噉就耶和華必做我嘅上帝咯。
令我平安番到父親家中、噉就耶和華必做我嘅上帝咯。
我立呢條石柱個處、係𢬿嚟做上帝殿、但凡你所賜過我嘅、我必定十分納一、嚟奉獻你。