於是雅各起行、去到東方之人個處。
睇見野上一個井、有三隊羊(口僕)在井邊、因為呢個井、向來係俾過羊飲嘅、井水有嚿大石搇住。
各隊羊嚟齊呢處、就轆開井口個嚿石、俾水過羊飲、後來又𢬿石搇番井口。
雅各對眾人話、兄弟從邊處嚟呢。
雅各話、你識拿鶴嘅拉班唔呢。佢地話、識吖。
雅各話、佢平安唔呢。佢地話、平安、如今佢嘅女拉結同埋羊嚟呢。
雅各話、熱頭重喺咁高、唔係群畜聚集時候、何不俾水過羊飲、再去餵吓佢呢。
眾人話、唔好、等群畜嚟齊、轆開井口個嚿石、致可以俾羊飲嘅。
雅各共佢地講緊個時、拉結同埋佢父親嘅羊嚟、因父親的羊、係佢看嘅、
雅各見舅父拉班嘅女拉結、共佢舅父拉班嘅羊、就行前去、轆開井口嘅石、俾水過舅父拉班嘅羊飲。
雅各共拉結親嘴、夜聲啼哭。
雅各又對拉結話、我係你父親嘅外甥、利百加嘅仔、拉結就走去話過父親知。
拉班聽聞外甥雅各嚟、就走嚟迎接、抱住佢親嘴、帶佢入屋、雅各𢬿各樣事講過拉班知。
拉班話、你真係我嘅骨肉咯、就共同住一個月。
拉班對雅各話、你雖係我嘅外甥、豈可白白服事我咩、請你話我知、要幾多工價吖。
拉班有兩個女、大嘅叫做利亞、細嘅叫做拉結。
利亞嘅眼有的毛病、拉結形容甚美麗。
雅各愛痛拉結、就對拉班話、為你細女拉結、我願服事你七年。
拉班話、𢬿女嚟嫁別人、不如嫁你、請你共我同住喇。
雅各為拉結嘅緣故、服事佢七年、因愛之極、睇七年都好似幾日呮。
雅各對拉班話、日期已經滿咯、請𢬿我嘅妻俾我、等我共佢同住。
拉班就擺設酒席、請個處各人飲。
到夜晚黑、帶佢嘅女利亞嚟、共雅各同房。
又𢬿個婢悉帕、俾過佢女利亞做婢。
第朝、雅各睇見係利亞、就對拉班話、你因何噉樣待我呢、我唔係拉結、致服事你咩、因何你呃我呢。
拉班話、未曾嫁大女、先嫁細女、喺我地呢處、唔著噉做嘅。
你共利亞滿嘵七日嘅期、我亦𢬿拉結俾過你、你為佢再服事我七年添。
雅各就依佢噉做、共利亞滿嘵七日嘅期、拉班又𢬿個女拉結俾過佢做妻。
而且將個婢辟拉俾過佢女拉結做婢。
雅各共拉結同房、愛拉結勝過愛利亞、後來又服事拉班七年。
耶和華見利亞失寵、就令佢懷孕、惟係拉結冇懷孕。
利亞生出個仔、名叫流便、失寵、耶和華體顧我苦楚、如今丈夫必要愛痛我咯。
又懷孕生子、就話、耶和華聽見我、佢話故此再賜呢個仔過我、叫佢名為西面。
又懷孕生子、話我生嘵三個仔、丈夫必定親愛我、故此名為利末。
又懷孕生子、話如今我要讚美耶和華、故此名為猶太、於是就停住生產咯。