雅各聽聞拉班嘅眾子有話、我父親所有嘅、雅各都奪嘥咯、佢藉住我父親所以嘅、成為大富呀。
雅各見拉班嘅面貌唔似從前噉待佢。
耶和華對雅各話、你當番去祖父嘅地方、與及你宗族個處、我是必保佑你呀。
雅各就打發人去叫拉結利亞嚟、到佢放羊嘅田處。
對佢地話、我見你父親嘅面貌、唔似從前噉待我、惟係我父親嘅上帝、一向保佑我、
我盡力服事你父親、你地知嘅哩。
但係你父親呃騙我、十次更改我嘅工價、惟獨上帝唔准傑害我。
佢話有點嘅必俾過我做工價、誰知所生嘅羊、都係有紋理、
噉樣、係上帝奪你父親嘅羊、嚟賜過我哩。
當眾羊交合個時、我夢中睇見騎住羊乸嘅羊公、都係有紋理、有點有斑嘅。
上帝嘅使者、夢中對我話、雅各呀。我話、我喺呢處。
使者話、你俾眼睇吓騎住羊乸嘅羊公、都係有紋理、有點有理嘅、拉班點樣待你、我已經睇見咯。
我係伯特利嘅上帝、你也曾斟油搽柱、喺個處許個願、你如今可以起身、離開呢笪地、番去你嘅宗族處咯‧
拉結利亞答佢話、我在父親家中、豈係重有產業分過我地咩。
父親既賣嘵我、又侵佔我嘅家財、唔係當我係外人噉咩。
上帝將我父親嘅家財、賜嘥過我地、與及我地嘅仔、如今上帝所吩咐你嘅、你依住嚟行喇。
雅各就起程、叫妻兒騎上駱駝。
又帶住喺巴坦亞國所得嘅各畜牲、與及各樣物件去迦南地方、番歸父親以撒處。
適值拉班剪羊毛、拉結偷嘵佢父親嘅偶像。
雅各靜靜逃走、唔俾亞蘭人拉班知。
帶住所有嘅野過海、向住基列山去。
到第三日、有人將雅各逃走嘅事話過拉班知。
拉班就帶埋眾兄弟追佢、行嘵七日路、在基列山致追倒。
個一晚、上帝報夢過亞蘭人拉班知、話你要謹慎、唔好對雅各講惡嘅說話。
拉班追倒雅各、雅各已經在山搭起帳幕、拉班共眾兄弟、亦在基列山搭起帳幕。
拉班對雅各話、你做乜野呢、你靜靜逃走、搶我女去、好似揸刀嚟劫奪噉呢。
你做乜靜靜離開我、私自逃走呢、何不你話明我知、等我彈琴打鼓、歡喜謳歌嚟送你呢。
又唔俾我共子女親嘴呢、你噉樣做事、真係笨咯。
害你嘅權能、在我手掌之中、但係你父嘅上帝、昨晚對我話、你要謹慎、唔好對雅各講惡嘅說話。
如今你切念父家、是必想番去、因何你偷我個的神像呢。
雅各對拉班話、我慌你強搶你嘅女番去呀。
至於你個的神像、若喺乜誰處搜出嚟、你可置佢於死地、你在眾兄弟面前。睇過有邊樣係你嘅物件、你只管攞番、因雅各唔知拉結偷嘵神像呀。
拉班就入去雅各嘅帳幕、及利亞嘅帳幕、共兩個婢嘅帳幕處、都唔搜得倒、後來由利亞嘅帳幕出、亦入去拉結嘅帳幕處。
拉結已經將偶像收在駱駝嘅鞍下、自己坐在上頭、拉班搜過嘥個帷幕、都唔搜得倒。
拉結對父親話、我身上月信嚟嘵、不能在父前起身、求主咪怪我。故此佢搜偶像唔倒。
於是雅各惱怒、責成拉班話、我有乜野罪過、今你咁急切嚟追我呢。
如今你搜過嘥我的野、若搜得出、係你家中嘅物件、就擠在你我兄弟之前、佢地就可以替我共你分斷哩。
我共你住嘵二十年、你個的綿羊山羊嘅乸、未曾失過胎、你個的羊公、我未曾食過。
係野獸傷害嘅、我唔歸你、我已經補番過你、唔論日夜、被偷去嘅、你都惟我是問。
我日間受熱、夜間受寒、致令我眼都唔瞓得吓噉樣。
喺你家服事你二十年、十四年係為你兩個女、六年係為你嘅羊、你竟然更改我嘅工價、至到十次咁多。
倘若我祖亞伯拉罕嘅上帝、以撒所敬畏嘅上帝、唔保佑我、你必令我空手番去、上帝鑒觀我嘅辛苦共我嘅勞力、故此昨晚責成你。
拉班回答佢話、呢的女、都係我嘅女、呢的仔、都係我嘅仔、呢的羊、都係我嘅羊、但凡你眼前嘅物件、都係我嘅、如今對住我嘅女、共佢所生嘅仔、我要點樣呢。
不如我地嚟彼此立約、做你我之間嘅見證。
雅各就攞石立起、做一條柱。
又對眾兄弟話、你地亦聚埋的石頭喇、佢地就積埋的石、成一個岡仔、在岡仔之上飲食。
拉班叫個岡仔做亦甲撒哈土大、雅各叫佢做迦列。
拉班話、今日呢個岡仔、做你我嘅證據、所以名為迦列。
又叫做密士巴、因佢話、我地隔開之時、耶和華在你我之間鑒察。
你若難為我女、在我女之外、另娶過妻、雖冇人知、惟獨上帝是必在你我之間做證。
拉班對雅各話、睇呢個岡仔、睇呢條柱、係我立在你我之間嘅。
呢個岡仔做證、我是必唔行呢個岡仔害你、你亦唔好行過呢個岡仔、呢條柱嚟害我。
我願亞伯拉罕嘅上帝、拿鶴嘅上帝、兼佢祖宗嘅上帝、在你我之間嚟分斷。惟獨雅各指住佢父親以撒所敬畏嘅上市嚟誓願。
雅各在山上獻祭、請眾兄弟食餅、眾人食完、個晚喺山上歇宿。
第朝、拉班請早起身、共仔女親嘴、替佢地祝福、就番去本鄉咯。