1
雅各舉眼睇、見以掃同埋四百人嚟到、雅各就分開子女、交過利亞拉結、與及兩婢。
2
使兩婢共佢嘅仔在前頭、利亞共佢嘅仔在中間、拉結及約瑟在後便。
3
自己先過佢地行、跪落地嘅七次、致共大佬相近。
4
以掃走前嚟迎接、抱住佢頸嚟親嘴、彼此啼哭。
5
以掃舉眼、睇見婦人共子女、問呢的同埋你嚟嘅、係乜誰。佢話、呢的子女、係上帝施恩賜過你僕嘅。
6
於是兩婢共佢嘅仔、前去跪處。
7
利亞共佢嘅仔、亦前去跪處、尾後約瑟共拉結、亦前去跪處。
8
以掃話、我所遇著咁多畜牲、你係用嚟點樣嘅呢。雅各話、個的係想得我主之恩典嘅。
9
以掃話、我嘅兄弟呀、我已經富足咯、你所有嘅、你收番罷囉。
10
雅各話、你唔好推辭、我若係蒙你嘅恩、就請受嘵我嘅禮物、因為我見你面、猶如見上帝嘅面、亦得你歡喜我咯。
11
上帝既施恩過我、我已經大多咯、請你受嘵我所敬奉你嘅禮物囉、懇切求佢、然後致受。
12
以掃話、我地好起程咯、我先行嚟引你去。
13
雅各話、主、你知到我的子女軟弱、牛羊正當馱胎、倘若催迫佢走一日、就成隊都死咯。
14
請我主先去、等我慢慢帶畜牲及子女、依住佢嘅力量嚟行、去到我主西耳個處。
15
以掃話、我將跟隨我嘅人、留落的過你、共你同行。雅各話、使乜噉呢、但求得沾主嘅恩典就足咯。
16
個日以掃起程番歸西耳。
17
雅各行到數割、為自己整間屋、為畜牲搭的寮、所以個笪地方叫做數割。
18
雅各從巴垣亞蘭嚟之時、一路平安、到迦南嘅示劍城、在城外搭起布帳、
19
將一百銀喺開布帳個處、向示劍嘅父親哈抺之族人、買一笪田。
20
喺個處築一座壇、叫做以色列所敬之上帝嘅壇。