以掃即係以東、佢嘅族譜、開列在左。
以掃娶迦南嘅女為妻、一個係赫人以倫嘅女亞大、一個係希未人祭便嘅孫、亞拿嘅女亞何利巴馬。
又娶以實馬利女、尼排約嘅妹巴實抺。
亞大從以掃生以利法。
亞何利巴馬生耶是、雅蘭、可喇、呢的係以掃嘅仔、在迦南地所生嘅。
以掃帶住的妻共子女家人畜牲、及在迦南所得嘅財物、去別處、離開兄弟雅各。
因為兩人嘅貨財畜牲太多、寄居嘅地方、唔載得嘥、所以不能同住。
以掃即以東、於是住在西耳山。
噉佢係西耳山以東人嘅祖、以掃族譜、開列在左。
以掃眾子嘅名、列明於後、以掃嘅妻亞大、生子以利法、以掃嘅妻巴實抺、生子流耳。
以利法嘅仔提慢、西波、迦但、基納。
以掃嘅仔以利法、佢妾待亭納、從以利法生亞馬力、呢的都係以掃嘅妻、亞大嘅子孫。
流耳嘅仔拿轄、西喇、沙馬、米撒、呢的都係以掃嘅妻巴實抺嘅子孫。
以掃嘅亞何利巴馬、即係祭便嘅孫、亞拿嘅女、從以掃生耶是、雅蘭、可喇。
以掃子孫之中做牧伯嘅、開列在左、以掃嘅長子以利法、佢嘅眾子、有提慢伯、阿抺伯、西波伯、基納伯。
可喇伯、迦南伯、亞馬力伯。呢的都係以利法所生、在以東地方做伯嘅係亞大嘅子孫。
以掃嘅仔流耳、佢眾子有做拿轄伯、西喇伯、沙馬伯、米撒伯、呢的都係流耳所生、在以東地方做伯嘅、係以掃嘅妻巴實抺嘅子孫。
以掃嘅妻亞何利巴馬嘅仔、有做耶是伯、雅蘭伯、可喇伯、呢的係由亞拿嘅女、以掃嘅妻亞何利巴馬嚟做伯嘅。
呢的都係以掃即以東嘅子孫做牧伯嘅。
本來住在呢笪地方嘅何哩人西耳嘅子孫、開列在左、羅單、說八、祭便、亞拿。
底順、以察、底山、呢的都係何哩人西耳嘅子孫、喺以東地方做伯嘅。
羅單嘅仔、係何利、希慢、羅單嘅妹係亭納。
說八嘅仔係亞勒文、馬拿轄、以八、示波、阿南。
祭便嘅仔係亞雅、亞拿、亞拿即係當日在野上、看父親祭便嘅驢、遇著溫泉嘅。
亞拿嘅仔係底順、亞拿嘅女、係亞何利巴馬。
底順嘅仔、係欣但、一是班、益蘭、基蘭。
以察嘅仔係辟罕、撒番、亞干。
底山嘅仔係鳥士、亞蘭。
何哩族人做牧伯嘅、開列在左、即係羅單伯、說八伯、祭便伯、亞拿伯。
底順伯、以察伯、底山伯、呢的都係何哩人、在西耳地方、依住支派嚟做牧伯嘅。
當以色列人未有做王之前、以東地方所立嘅王、開列在左。
庇耳嘅仔庇拉、做以東王、佢嘅京都、叫做亭哈巴。
庇拉死、破斯喇人西喇嘅仔約八、接住坐位。
約八死、提慢地人戶山接住坐位。
戶山死、庇撻嘅仔哈撻即係在摩押平原、攻打米田人嘅、接住坐位、佢嘅京都、叫做亞味得。
哈撻死、馬士哩迦人三拉、接住坐位。
三拉死、河邊哩何伯人掃羅、接住坐位。
掃羅死、亞革破仔巴勒哈南、接住坐位。
亞革破仔巴勒哈南死、哈撻接住坐位、佢嘅京都叫做保、佢嘅妻、名叫米希大別、係米薩合孫馬特列嘅女。
以掃之族做牧伯嘅、依住佢嘅支派住址名姓、開列在左、帝納伯、亞勒瓦伯、耶帖伯。
亞何利巴馬伯、以拉伯、比嫩伯。
基納伯、提慢伯、密薩伯。
麥鐵伯、以蘭伯、呢的都係依住佢世業所住之地、嚟做以東牧伯嘅以東人嘅祖宗、即係以掃。