當時猶大離開眾兄弟、去到亞土蘭人、名叫希喇個處、
猶大在個處、睇見迦南人書亞嘅女、就娶佢為妻、共佢同房。
個婦人懷孕生子、名叫做咡。
再懷孕生子、名叫阿南。
又懷孕生子、名叫示拉、生示拉個時、猶大喺基悉處。
猶大為長子咡娶妻、名叫大馬。
長子咡在耶和華前行惡、故此耶和華殺佢。
猶大對阿南話、你娶你嘅大嫂、共佢同房、等生仔嚟承繼大佬喇。
阿南知到生仔、都唔歸自己嘅、入去共大嫂同房之時、洩個的精落地、免致生仔嚟承繼大佬。
阿南所做嘅事、耶和華以為係惡、所以亦殺佢。
猶大自己想吓、怕個妯仔亦照大佬噉樣死、此對個媳婦大馬話、你在父親家中守寡、等到我仔示拉長大呀。大馬就番去父親家中住。
過好耐、猶大嘅妻、即係書亞嘅女死嘵、猶大受安慰之後、共佢朋友亞土蘭人希喇去亭納到佢嘅剪羊毛人處。
有人對大馬話、你家公去亭納剪佢嘅羊毛呀。
大馬見示拉已經長大、仍然未得嫁過佢為妻、故此脫嘵寡婦嘅衣服、𢬿頭帕遮住面、又搇住身、坐倒亭納路邊、兩個井個處。
猶大見佢遮住個面、估佢係妓婦。
唔知佢係媳婦、噉就喺路邊行埋佢處話、嚟喇、請你共我同房喇、大馬答話、你要我共你同房、你俾乜野過我呢。
佢話、我喺羊群之中、送一隻山羊仔過你。大馬話、你未送之先、肯俾的定物我唔呢。
佢話、俾乜野做定物呢。大馬話、你嘅印連帶共手揸嘅枴杖喇。猶大俾過佢、共佢同房、大馬噉就懷孕。
起身行去、除嘵遮面嘅帕、仍舊著番守寡嘅衣服。
猶大託個朋友亞土蘭人、送羊仔去、想喺個婦人手中、攞番的定物、但唔搵得著佢。
就問個處嘅人話、路邊兩井個處嘅妓婦、喺邊處呢。個的人話、呢處冇妓婦吖。
佢朋友番去見猶大話、我唔搵得倒佢、個處嘅人、亦話呢處冇妓婦。
猶大話、你擰羊仔去竟然唔搵得倒佢、不如由得佢愛嘵定物、免致我地羞辱。
約莫過三個月、有人對猶大話、你媳婦大馬做妓婦、懷嘵孕咯。猶大話、拉佢出嚟、燒死佢喇。
個婦人被拉出嚟之時、使人去對佢家公話、我係由呢的物件嘅主懷孕嘅。
猶大認得、就話、個婦人著過我咯、因我唔將佢嫁過我仔示拉呀、此後、猶大就共佢斷絕。
將近臨產、知到佢係孖胎、
臨產之時、有一個先伸出隻手嚟、接生嘅人、𢬿條紅線綁住佢、話、呢個係先出嘅。
呢個仔、縮番隻手入去之時、誰知到個兄弟出嚟、接生嘅人話、做乜你闖出嚟呢、因為佢闖出嚟、所以叫佢名為法勒士。及後、佢細佬出嚟、有姓線在手、叫佢名為撒拉。
及後、佢細佬出嚟、有紅線在手、叫佢名為撒拉。