亞當共個妻夏娃同房、夏娃懷孕、生出該隱、話耶和華保佑我、得個男仔咯。
後來又生出佢細佬亞伯、亞伯係看羊嘅、該隱係耕田嘅。
有一日該隱𢬿的土產獻過耶和華。
亞伯擰第一生嘅羊仔、共羊嘅脂膏獻過耶和華、耶和華睇顧亞伯、共佢所獻嘅祭物。
唔睇顧該隱、共佢所獻嘅祭物、該隱就好惱、變嘵面色。
耶和華問該隱話、你為乜咁惱、變嘵面色呢。
你若係行善、豈有唔興起咩、若唔行善、罪惡就臨你門前咯、惟係佢必向慕住你、你亦管理佢。
後來該隱共細佬亞伯相講、正在田間、該隱就將細佬亞伯殺嘵。
耶和華對該隱話、你細佬喺邊處。該隱話、唔知呀、我豈係看守細佬嘅咩。
耶和華話、你果實做過乜野呢、你細佬嘅血、有聲從地上嚟哀求我呀。
你既然俾手殺個細佬、地開口嚟接佢嘅血、你如今必受地嘅咒詛。
你耕田、地唔替你出力、你必定流離地上。
該隱對耶和華話、我嘅罪惡極重唔承受得起咯。
今日你趕我出呢咩地方、唔俾我見你面、我流離地上、但凡遇著我嘅必定殺我。
耶和華對佢話、但凡殺該隱嘅、必要受七倍嘅刑罰、於是耶和華俾一個記號過該隱、免致遇著嘅殺佢。
該隱就離開耶和華面前、去埃田園東仗方邊、挪得嘅地方居住。
該隱共妻同房、佢妻懷孕、生出以諾、又起一座城、就將個仔嘅名、叫個城做以諾。
以諾生以臘、以臘生米戶雅利、米戶雅利生馬士撒利、馬士撒利生拉麥。
拉麥聚兩個妻、一個名叫亞大、一個名叫洗拉。
亞十生雅八係住帳幕嚟養畜牲嘅始祖。
佢細佬名叫猶八、係彈琴吹簫嘅始祖。
洗拉生土八該隱、、係打銅打鐵嘅祖師、佢嘅妹名叫拿馬。
拉麥對兩個妻亞大共洗拉話、拉麥嘅婦呀、聽我之聲、聞我之言、我殺人嚟自傷、殺童子嚟自害。
倘若殺該隱係受七倍嘅刑罰、噉就殺拉麥必定七十七倍咯。
亞當又共佢妻同房、個妻生仔、改名為設、話、上帝再賜一個仔過我、嚟代該隱所殺嘅亞伯。
設亦生個仔、名叫以哪士、個陣時、人致起首噲稱耶和華嘅名嚟崇拜。