1
呢件事之後、埃及王嘅酒正與及廚官、得罪佢嘅主埃及王。
2
法老就惱呢兩個酒正廚官臣子。
3
押佢落領侍衛大臣衙內嘅監、即係困約瑟個處。
4
領侍衛大臣使約瑟服事佢、兩人就坐嘵監好耐。
5
埃及王嘅酒正廚官、喺監中、同埋一晚、發夢、各有各夢、唔知乜野兆頭。
6
第朝、約瑟入去佢地處、見佢樣子憂愁。
7
故此問同自己押在佢主衙內嘅、即係法老兩個臣子話、你地今日做乜樣子咁憂愁呢。
8
佢話、我地發倒個夢、冇人噲解嘅。約瑟話、解夢嘅、唔係由上帝咩、請你講個夢過我知。
9
酒正就𢬿個夢對約瑟話、我夢見有一棵菩提樹在我面前。
10
樹有三條枝、好似發芽開花、結菩提果、成球熟嘵。
11
法老嘅酒杯在我手中、我將個的菩提果揸汁落法老嘅杯、又將杯奉過法老。
12
約瑟話、你所夢嘅兆頭係噉、三條枝係三日、
13
三日之內、法老必使你出監、復番你嘅舊職、你必照依從前做酒正奉酒杯過法老。
14
你得嘵好處、請記念我、施恩過我、替我講過法老知、救我出監呀。
15
我係從希伯來地、被劫嚟呢處、我喺處所行嘅事、又唔係應坐監嘅。
16
廚官見佢解得咁好、就對約瑟話、我亦發倒個夢、係有三個白色嘅籃、戴在頭上。
17
上面個籃、係載住法老所食嘅燒味、有雀鳥嚟我頭上嘅籃食嘵。
18
約瑟答話、所夢嘅兆頭係噉、三個籃、即係三日。
19
三日之內、法老必使你出監、吊你在樹上、雀鳥嚟到啄你嘅肉。
20
到三日、適值法老生日、賜酒席過眾臣子飲、召酒正共廚官出監。
21
復番酒正嘅職、使佢遞酒杯過法老手。惟係將個廚官吊起樹嚟、於是佢兩人嘅事、都照約瑟所解嘅噉。
22
惟係將個廚官吊起樹嚟、於是佢兩人嘅事、都照約瑟所解嘅噉。
23
但酒正唔記念約瑟、竟然忘記咯。