約瑟在伺候嘅人面前、情不能自禁、就叫一聲話、各人出去。
於是冇人企處、約瑟就令兄弟認識自己、大聲啼哭起嚟、埃及人共法老宮中都聽聞。
約瑟對兄弟話、我係約瑟、我父親重在生咩。眾兄弟喺面前、慌到唔噲答。
約瑟對兄弟話、請埋嚟我處、眾兄弟就埋去、約瑟造、我係你細佬約瑟、你所賣落埃及嘅。
因從前賣我到呢處、今日傷心痛恨起嚟、因為上帝使我先過你地嚟、保全你地嘅生命。
如今境內已經飢荒兩年、重有五年冇得耕、冇得割。
上帝使我先過你地嚟、等留存你嘅于孫喺地上、又用大大嘅拯救、嚟保全你地生命。
噉樣、打發我到呢處嘅、唔係你地、乃係上帝、佢令我好似做法老嘅父親、兼做佢合家嘅主、共全埃及嘅宰相。
你地快的上去見我父親對佢話、你個仔約瑟噉話、上帝立我做全埃及嘅宰相、請你落嚟我處、唔好遲疑、
你共你子孫牛羊共所有嘅、可以喺坷山在隔我冇遠呮。
因為重有五年飢荒、我要喺個處養你、免致你共你嘅家眷、兼所以嘅人、受窮絕嘅苦。
呢的說話、我親口講過你聽、你地共我嘅細佬、親眼見嘅哩。
你地必須將我在埃及嘅榮華共你地所見嘅、講嘥過父親知、速速帶父親落嚟呢艼。
於是抱住細佬便雅憫頸嚟喊、便雅憫亦抱住佢頸嚟喊。
約瑟共眾兄弟親嘴、亦喊起嚟、後來、兄弟共佢談論。
呢件事、風聞到法老宮中話、約瑟嘅兄弟嚟到、法老共埋佢嘅臣子都歡喜。
法老對約瑟話、叫你兄弟、將物件馱在牲口之上、去迦南處。
迎接你父親共家眷嚟我處、我將埃及嘅好物件賜過你地、等你地享受呢處嘅美味。
如今我吩咐你嘅照噉去做、𢬿埃及嘅車、迎接你父親、兼載你地嘅妻兒嚟。
唔使愛惜你家中嘅器皿、因為全埃及國嘅好野、都賜過你。
以色列眾子、就依噉樣行、約瑟遵法老命令、俾車過眾人、與及路上嘅乾糧。
又送佢地各人一套衣服、送過便雅憫嘅就三百銀、兼五套衣服。
敬奉父親嘅係十隻驢公、馱住埃及嘅好物件、十隻驢乸、馱住穀共餅兼食物、預備父親路上使用嘅。
打發佢兄弟去歸、臨行個時、對佢地話、你地在路上、至緊唔好相爭。
眾人就離開埃及上去迦南、見嘵父親雅各。
告過佢聽話、約瑟重生呀、如今做埃及全國嘅宰相呀。雅各已經心淡咯、唔信佢地所講嘅話。
大眾𢬿約瑟吩咐佢地嘅話、講過父親知、雅各見嘵約瑟打發嚟接佢嘅車、心神就活動番、
話、好咯、我仔約瑟重生、我未曾死、是必去見佢呀。