約瑟去告過法老知話、我父親同埋我嘅兄弟、帶住牛羊、與及所有嘅、從迦南地嚟、如今喺坷山處。
約瑟在兄弟之中、揀擇五個人、帶佢去見法老。
法老問佢兄弟話、你地做乜野事業呢。佢地答法老話、你僕自從祖宗以來、都係做牧人。
又對法老話、我地因迦南飢荒到極、冇草嚟養牛羊、所以嚟到呢處寄居、求容你僕在坷山居住喇。
法老對約瑟話、你父親及你兄弟嚟到你處、
埃及嘅地方、在你面前、可以揀擇的好地、俾過你父兄住、就俾佢喺坷山住喇、倘若你知到你地邊個有才能嘅、用佢做牧人嘅長。
約瑟帶住父親雅各、去見法老、雅各祝福法老。
法老問雅各話、你有幾大年紀呢、
雅各對法老話、我在世上一百三十歲、生平受過好多艱難、比較我祖父在世嘅年歲、就唔及得到。
雅各既祝福法老、就喺法老面前出去。
約瑟遵依法老吩咐、𢬿埃及至好嘅地方、即係蘭塞嘅境內、賜過佢父親居住、而且做產業。
約瑟養佢嘅父兄、兼佢嘅家眷、依佢地各家所需用嘅、嚟供應佢。
飢荒更甚起嚟、四方都冇糧食、迦南共埃及地、因飢荒都窮絕咯。
約瑟糶穀過眾人、積埋埃及迦南地所有嘅銀、擠埋法老嘅庫房。
埃及迦南地嘅銀、都使盡咯、埃及人好多嚟見約瑟話、我地嘅銀、已經使盡、請你俾糧食過我地、免致死在你之前。
約瑟話、既係冇銀、𢬿你嘅畜牲俾我、我就俾烺食過你。
於是各人拉畜牲嚟約瑟處、約瑟收嘵佢地嘅牛馬羊驢、俾糧共佢換、個一年、佢我佢地各樣畜牲、致俾糧嚟養佢。
呢年過嘵、明年眾人又到、對約瑟話、我地冇欺瞞主、我地嘅銀、已經使嘥咯、我地的畜牲、又都俾過主咯、除我地個身共田之外、冇別樣物件留存咯。
主豈忍我地共田、喪亡在你之前咩、請𢬿糧食嚟買我身共田、我身共田、都俾過法老所使、惟係俾穀種過我地、等我地得生、免致死亡、而且咪令個的田拋荒。
約瑟為法老買嘥埃及嘅地、因為埃及人被飢荒所迫、各人都要𢬿田嚟賣、於是個的田、都歸法老咯。
約瑟將埃及四方嘅百姓、搬嘥入城裏。
惟係唔買祭司嘅田、因為法老賜過祭司、係有一定嘅糧、佢得法老所賜嘅嚟食、所有唔使賣田。
約瑟對百姓話、今日我買倒你地共田、都歸法老、有穀種喺呢處、你地擰去撒落田。
收割之時、必要五份納一過法老𢬿四份歸你、嚟做你嘅田種、與及做你共家中妻兒嘅口糧。
眾人話、主、既係救生我地嘅命、如今願沾主恩、使我地做法老嘅僕。
約瑟於是立嘵定制、除祭司田地唔歸法老之外、其餘必要五份納一過法老、至到今日都係。
以色列人住在埃及坷山嘅地、喺個處、得嘵產業、生養極多。
雅各喺埃及住十七年、享壽一百四十七歲。
以色列將近死個時、叫個仔約瑟嚟話、我若係愛我、就擠你手在我髀下、𢬿親愛誠實嚟待我、咪葬我在埃及。
我想共祖父同葬、你必帶我出埃及、葬我在先人墳幕處。約瑟話、我必依你吩咐。
雅各話、你為我誓願喇、佢就誓願、以色列挨住床嚟拜上帝。