呢件事之後、有人告過約瑟知話、你父親有病呀、約瑟就帶住兩個仔、馬拿西、以法蓮嚟到。
有人告過雅各知話、你仔約瑟嚟見你呀、以色列勉強坐起床上。
對約瑟話、從前在迦南嘅路斯、全能上帝、顯現出嚟祝福我。
我話、我要令你生養眾多、成為大族、亦俾呢的地賜你後裔、永遠做世業。
我未到埃及見你之時、你所生以法蓮、馬拿兩個仔、(算)為我嘅仔、好似流便西面噉。
後來你所生嘅仔、就(算)係你仔、入兄弟個派、同守家業。
從前我喺巴坦嚟迦南之時、隔以法大冇遠、拉結死嘵、我葬佢在以法大嘅路邊、即係伯利恆地。
以色列見約瑟兩個仔話、呢的係乜誰。
約瑟話、呢的係上帝喺呢處賜過我嘅仔。佢話、帶佢埋嚟、等我祝福佢。
以色列年老眼矇、唔睇得見、約瑟帶兩個仔埋去佢處、以色列共佢地親嘴、亦攬住佢。
對約瑟話、我唔估得見你面、誰知上帝又賜我得見你仔。
約瑟使兩個仔離開以色列膝前、自己俯伏在地。
後來帶兩個仔、加手揸住以法蓮向以色列左邊、左手揸住馬拿向住以色列右邊、拖佢到以色列前。
以色列嘅長子、原係馬拿西、以色列伸開對手、特登𢬿右手按住第二仔以法蓮嘅頭、𢬿左手按住馬拿嘅頊頭。
祝福約瑟話、願我祖父亞伯拉罕以撒所敬奉嘅上帝、我生在世、養我到如今嘅上帝、
救我出各樣患難嘅天使、保佑呢兩個小子、(算)為我嘅仔、我祖父亞伯拉罕以撒嘅孫、令佢在地生長眾多、成為大族。
約瑟見父親𢬿右手按住以法蓮嘅頭、心唔歡喜、故此扶住父親嘅右手、想喺以法蓮頭上移去馬拿西頭上、
對父親話、父呀、唔係噉、呢個致係長子、請你按手落佢頭上。
父親唔准、就話、我仔呀、我知到咯、我知到咯、佢亦成為一族、佢亦噲昌盛起嚟、但佢嘅細佬、必定比較佢更大、而且佢嘅後裔、可以成為列國嘅。
個日就祝福佢地話、以色列民、必指住你嚟祝福人話、願上帝令你好似以法蓮、馬拿西一樣、於是立以法蓮在馬拿西之先。
以色列又對約瑟話、我將近死咯、上帝必保佑你地、帶你地番去你祖宗嘅地方。
從前我用弓刀、從亞摩哩人奪嚟嘅地、我亦𢬿嚟睇過你、等你比較各兄弟得多一笪。