1
上帝眷念挪亞、及在方舟嘅生物共六畜、上帝使風吹地水致定嘵。
2
塞住大海嘅源頭、補返天上個的罅、大雨就止咯。
3
地上嘅水、漸漸退的、經一百五十日致消。
4
七月十七日、方舟炕在亞喇伯嘅山上。
5
水又漸退、一直到十月初一日、致現出山頂。
6
又過四十日、挪亞開嘵所做方舟嘅窗、
7
放一隻烏鴉出去、個隻烏鴉飛來飛去等候上地嘅水乾。
8
又放一隻白鴿出去、想睇吓地上嘅水退未。
9
到處地面都重有水、白鴿冇地歇腳番嚟方舟、挪亞俾手接佢入舟、
10
又等七日、再放個隻白鴿出去、
11
到挨晚、白鴿口上擔住塊橄欖新葉番嚟、噉就挪亞知到地上嘅水、已經退咯。
12
又等七日、再放個隻白鴿出去、就唔番嚟佢處咯。
13
挪亞六百零一歲、正月初一日、地上的水乾嘥、挪亞揭開船頂睇見地面已乾。
14
到二月二十七日地就乾嘥咯。
15
上帝對挪亞話、
16
你共你妻及子媳婦喺方舟出嚟。
17
所有同埋你個的生物飛鳥六畜昆蟲、都帶佢出嚟、等佢在地上、生長日多。
18
挪亞就帶佢妻及子及媳婦都出嚟。
19
百獸、昆蟲、飛鳥、躝地嘅生物、各從其類、亦出嘥方舟。
20
挪亞為耶和華起一座壇、各類潔淨嘅飛鳥畜牲、拈的嚟喺壇上燔祭。
21
耶和華享受佢嘅祭祀、心裏話、人自少時、雖係懷藏惡念、但我必唔因人再咒詛個地、亦唔照依前日所行、滅各樣生物咯。
22
以後地存之日、有種有割有暑、有冬有夏、有日有夜、總冇止息。