約翰福音 13 · 1883《新約四福音》（AI OCR辨認）

食緊晚餐個時，魔鬼已經將賣耶穌嘅意思擠落西門嘅仔加略猶大心中。

耶穌知到父也曾掝萬物交過佢手，又知到自己從上帝處嚟，亦必番歸上帝處，

就離席起身，除曉外衫，擰一條巾束住腰。

後來倒水落盤，起首共門生洗腳，掝自己束腰嘅巾抹乾佢。

輪到西門彼得，彼得對佢話：「主，你洗我腳咩？」

耶穌答佢話：「我所做嘅，你如今唔知，後來你必知咯。」

彼得對佢話：「你永遠唔洗得我腳！」耶穌答佢話：「若我唔洗你，你就共我冇份。」

西門彼得對佢話：「主，唔止我腳，連我手共頭都要洗呀！」

耶穌對佢話：「但凡已經洗嘅，獨係洗腳，就一身都潔淨咯。你哋係潔淨，但唔係個個都噉。」

因為耶穌知到邊個將賣佢嘅，故此話唔係個個得潔淨。

你哋稱我爲師、爲主，係話得着，因爲我係呀。

我係主係師，尙且洗你腳，你哋應該互相洗腳。

因爲我俾個模樣過你，令你哋照依我所做過你嘅去做呀。

我實實話你知，僕唔大得過佢主，被打發嘅唔大得過打發佢嘅。

倘若你知到呢的事，若照噉做，就有福咯。

我所講嘅唔係講及嘅你哋衆人，我所揀選嘅我知到；惟係要應咗聖經所講話：『共我同食餅嘅，舉起腳嚟踢我呀。』

如今事幹未成，我預先話你知，等事幹成咗，你哋就信我係佢咯。

我實實話你知，招接我所打發嘅，卽係招接我；招接我嘅，卽係招接打發我嘅呀。」

門生彼此相睇，思疑佢講乜誰。

耶穌門生之中，有一個係佢所愛嘅，挨到耶穌胸懷處。

西門彼得嗤頭嚟對佢話：「你話我知，耶穌係講乜誰？」

佢噉挨倒耶穌胸懷嘅，就問佢話：「主，係乜誰呢？」

耶穌答話：「我將一的野泫吓俾過佢嘅，就係咯。」於是泫一的野，揻嚟俾過加略人西門嘅仔猶大。

受咗個的野之後，撒但卽入佢心。耶穌就對佢話：「你所做嘅，快的做喇。」

喺席上嘅冇人知佢爲乜事對佢噉講。

本來銀袋喺猶大處，有人估耶穌吩咐佢買節筵所用嘅，拗或狹佢去施捨過窮人。

猶大受咗個的野，卽時出去。個陣係夜晚咯。

上帝因自己亦必榮光佢，而且卽時榮光佢。

小子呀，我暫時重同埋你哋，你哋將來揾我；照依我對猶太人所講話『我去個處，你不能到得』，如今亦對你噉樣講。

我城新嘅誡命俾你，卽係你要彼此相愛；好似我也曾愛你，你都要噉樣相愛。

你若係大家相愛，衆人因此就知你係我門生咯。」

西門彼得對佢話：「主，你去邊處？」耶穌答話：「我去個處，如今你不能跟從我，但將來你必跟從我。」

彼得對佢話：「主，因何如今我不能跟從你呢？我願爲你捨生命。」

耶穌答佢話：「你願爲我捨生命咩？我實實話你知，雞必定唔啼，到你三次話唔識我呀。」