「我係眞菩提樹，我父係栽培嘅。
但凡喺我處嘅樹枝，有唔結果嘅，佢必除去；但凡結果嘅，就修削虔潔，合結果更多。
如今你因我所講過你哋知嘅道，就係虔潔咯。
你要住在我處，我亦住在你處；倘若枝唔住在菩提樹處，不能自己結果；若係你唔住在我處，亦必定係嘅。
我係菩提樹，你哋係樹枝；凡住在我處，又我住在佢處，個個必結得好多果，因爲你冇我，一樣都唔做得咯。
人若係唔住在我處，就必定好似樹枝拆出外便，枯槁咗；人哋執起丟落火處嚟燒咯。
你若住在我處，我嘅說話亦住在你處，但凡你所想嚟求嘅，是必爲你做成。
你若係結得果多，我父就得榮光，你噉就係做我門生咯。
好似父愛我，我亦愛你哋；你哋應該住在我嘅愛處呀。
你若守我誡命，就必住在我嘅愛處，好似我守我父嘅誡命，就住在佢嘅愛處。
呢的我講你知，令我嘅歡喜住在你處，你嘅歡喜亦得充滿咯。
你哋應該相愛，好似我愛你哋嘅樣，呢的係我嘅誡命呀。
人爲朋友捨曉生命嘅愛情，冇大得過呢樣咯。
我所有吩咐你嘅，你依住去做，就係我嘅朋友。
自今以後，我唔稱你爲僕，因爲僕唔知到佢主人所做嘅事；但我稱你哋爲朋友，因我在父處所聽聞嘅，已經指示你哋知。
唔係你哋揀選我，係我揀選你哋，而且設立你哋去結果，等你哋嘅果可以留存，至到你所有託我名求父嘅，佢都賜過你。
我嘅樣吩咐你哋，令你哋彼此相愛。
倘若世人憎惡你哋，要知到佢憎惡我先過你咯。
你哋若係屬世界，噉就世界愛屬自己嘅；但因你哋唔屬世界，係我喺世界揀你出嚟嘅，所以世界就憎惡你。
你哋要記得我所講過你知話：『奴僕唔大得過佢主人。』衆人若係迫害我，亦迫害你；若然守我道，亦守你道。
佢哋爲我名，就做呢的各樣嚟待你，因爲佢唔識打發我嘅呀。
我若唔嚟共佢哋講，佢就冇罪；但佢如今不能辭其罪咯。
憎惡我嘅，亦憎惡我父。
我若喺佢哋之中唔做過別人所未做嘅事，佢就冇罪；但如今佢哋見過，而且憎惡我共我父。
噉樣應騐嗟佢嘅律法所寫話：『佢冇緣故憎惡我呀。』
我要從天父處打發保惠師嚟你處，卽係眞理嘅聖靈，由父處出嘅；佢嚟個時，就爲我做見證。
而且你哋都做見證，因你哋自始初之時同埋我呀。」