我係真菩提樹、我父係栽培嘅、
但凡喺我處嘅樹枝、有唔結果嘅、佢必除去、但凡結果嘅、就修削虔潔、令結果更多、
如今你因我所講過你哋知嘅道、就係虔潔咯、
你要住在我處、我亦住在你處、倘若枝唔住在菩提樹處、不能自己結果、若係你唔住在我處、亦必定係噉、
我係菩提樹、你哋係樹枝、凡住在我處、又我住在佢處、個個必結得好多果、因為你冇我、一樣都唔做得咯、
人若係唔住在我處、就必定好似樹枝、𢫕出外便枯槁嘵、人哋執起丟落火處嚟燒咯、
你若住在我處、我嘅說話亦住在你處、但凡你所想嚟求嘅、是必為你做成、
你若係結得果多、我父就得榮光、你噉就係做我門生咯、
好似父愛我、我亦愛你哋、你哋應該住在我嘅愛處呀、
你若守我誡命、就必住在我嘅愛處、好似我守我父嘅誡命、就住在佢嘅愛處、
呢的我講你知、令我嘅歡喜住在你處、你嘅歡喜亦得充滿咯、
你哋應該相愛、好似我愛你哋噉樣、呢的係我嘅誡命呀、
人為朋友捨嘵生命嘅、愛情冇大得過呢樣咯、
我所有吩咐你嘅、你依住去做、就係我嘅朋友、
自今以後、我唔稱你為僕、因為僕唔知到佢主人所做嘅事、但我稱你哋為朋友、因我在父處所聽聞嘅、已經指示你哋知、
唔係你哋揀選我、係我揀選你哋、而且設立你哋去結果、等你哋嘅果可以留存、至到你所有託我名求父嘅、佢都賜過你、
我噉樣吩咐你哋、令你哋彼此相愛、
倘若世人憎惡你哋、要知到佢憎惡我先過你咯、
你哋若係屬世界、噉就世界愛屬自己嘅、但因你哋唔屬世界、係我喺世界揀你出嚟嘅、所以世界就憎惡你、
你哋要記得我所講過你知話、奴僕唔大得過佢主人、眾人若係迫害我、亦迫害你、若然守我道、亦守你道、
佢哋為我名、就做呢的各樣嚟待你、因為佢唔識打發我嘅呀、
我若唔嚟共佢哋講、佢就冇罪、但佢如今不能辭其罪咯、
憎惡我嘅、亦憎惡我父、
我若喺佢哋之中、唔做過別人所未做嘅事、佢就冇罪、但如今佢哋見過、而且憎惡我共我父、
噉樣應驗嘵佢嘅律法所寫話、佢冇緣故憎惡我呀、
我要從天父處打發保惠師嚟你處、即係真理嘅聖靈、由父處出嘅、佢嚟個時就為我做見證、
而且你哋都做見證、因你哋自始初之時同埋我呀、