約翰福音 16 · 1883《新約四福音》（AI OCR辨認）

衆人將來趕你出會堂，而且時候將到，但凡殺你嘅，以爲噉樣係服事上帝。

佢哋噉樣做，因爲佢唔識父共我呀。

我講呢的事過你知，等個時候嚟到，你哋可以記起我對你講過咯。我始初未話你知嘅，因我同你喺處呀。

但係因我講呢的事過你知，你就滿心閉翳。

但我話真過你知，我去係你嘅益；若然我唔去，保惠師就唔嚟你處；若然我去，必打發佢嚟你處。

佢嚟之時，必定令世界爲罪惡、爲公義、爲審判，責成自己。

爲罪惡嘅，因佢哋唔信我呀。

爲公義嘅，因我番歸我父處，你哋唔再見我呀。

爲審判嘅，因個個管理呢個世界嘅被審判呀。

我重有好多事話你哋知，但你哋如今不能擔當得起。

惟係個眞理嘅聖靈嚟，佢必定引你入各樣眞理處，因爲佢唔係由自己講，係以佢所有聽聞嘅嚟講，而且械將來嘅事指示你知。

佢是必歸榮我，因爲佢將我嘅事嚟指示你知。

但凡父所有嘅都係我嘅，故此我話，佢將我嘅事嚟指示你知。

噉就門生之中，有的彼此相講話：「佢對我哋話『歇冇耐，你哋唔見我；又歇冇耐，你哋必見我』，而且『因爲我番歸父處』，佢噉樣同我講，係乜野意思呢？」

故此門生話：「佢所講『歇冇耐』個句，係乜野意思呢？我唔知佢講乜事。」

耶穌知到佢想問自己，就對佢話：「我所講『歇冇耐，你唔見我；又歇冇耐，你必見我』，你彼此互相詰問咩？

我實實話你知，你將來哭泣哀痛，世人必歡樂；你哋必憂愁，但你哋嘅憂愁必定變爲歡樂。

婦人臨產就閉翳，因爲佢時候到咯；但生仔之後，就唔記得個的辛苦，因佢歡喜一個人生在世上呀。

噉樣，你哋如今閉翳，但我必定再見你，你心就歡樂，你嘅歡樂冇人奪得你嘅。

當個時，你一的都唔使求我。我實實話你哋知，但凡你所求父嘅，佢因我名必賜過你哋。

從前你哋冇託我名嚟求乜野，求就必得倒，令你滿心歡樂。

個陣時，你必託我名嚟求；我唔狹對你話，我必定替你求父。

父自己愛你哋，因你愛我，而且信我從父處出嚟。

我從父處出嚟，降臨世界；我又離開世界，番歸父處。」

門生話：「如今你係明講，唔係講譬喩。

如今我哋知你係無所不知，不必有人問你；因噉樣，我信你係從上帝處出嚟。」

耶穌答佢哋話：「如今你信囉咩？

時候將到，如今係咯，卽你哋分散，各人番歸自己處，留落我獨自嚥處；但我唔係獨自嚥處，因爲父同埋我呀。

我對你哋講呢的，令你在我得平安；在世你有患難，但你哋放心，我已經勝曉世界略。」