耶穌講呢的、就舉眼望住天、話、父呀、時候到咯、歸榮你子喇、等你子亦歸榮你、
因為你既賜權柄過佢、制伏凡有血氣嘅、等佢𢬿永生賜過凡你所賜過佢嘅人、
永生即係知到你獨一位真上帝、與及你所打發嘅耶穌基督呀、
我在地上、也曾歸榮你、你所託我做嘅事、我已經做成、
父呀、如今令我同你得榮光、即係在創世之前、我同你所有嘅榮光、
你由世間所賜過我嘅人、我已經將你名顯示過佢、佢本來係你嘅、你將佢賜過我、佢也曾遵守你道咯、
如今佢哋知到但凡你賜過我嘅、俱係由你出、
因為我𢬿你所賜過我嘅說話賜過佢、佢哋已經受嘵、而且真正知到我從你處出、又信你打發我呀、
我為佢哋祈禱、唔係為世界祈禱、獨係為你所賜過我嘅、因為佢係屬你嘅呀、
但凡屬我嘅係屬你、屬你嘅係屬我、我在佢哋處得榮光、
自今以後、我唔再喺世上、但係佢哋喺世上、我嚟到你處、聖父呀、你所賜過我嘅、託你名保守住佢、令佢哋合而為一、好似我哋噉樣、
我同埋佢哋個時、託你名嚟保守住佢、你所賜過我嘅、我保守住、其中冇一個亡失、獨係亡失沉淪之子呮、致應驗聖書所寫咯、
如今我嚟你處、我重喺世上講呢的、令佢哋心中得滿我嘅歡樂、
我曾將你道賜過佢哋、世界又憎惡佢、因佢唔係屬世界好似我唔係屬世界一樣、
我唔求你將佢離開世界、但係求你保佑佢離開罪惡、
佢哋唔係屬世界、好似我唔屬世界一樣、
願你用真理、令佢哋聖潔、你嘅說話即係真理呀、
好似你打發我入世界、我都係噉樣打發佢入世界、
我為佢自己成為聖潔、令佢都由真理成為聖潔、
我不獨為呢的人祈禱、亦為但凡聽佢哋說話嚟信我嘅祈禱、
令佢哋大家合而為一、父呀、好似你在我、我在你、令佢亦在我哋合而為一、等世人信你打發我呀、
我𢬿你所賜過我嘅榮光賜過佢哋、令佢哋合而為一、好似我哋合而為一、
我在佢哋、你亦在我、令佢哋成為完全合而為一、而且令世人知到你打發我、知到你愛佢哋、好似愛我噉、
父呀、我喺個處、願你所賜過我嘅人、亦同埋我喺個處、等佢哋見你所賜過我嘅榮光、因為你自創世之先、愛我咯、
公義嘅父呀、世人唔識你、獨係我識你、呢的人都知到你打發我嚟嘅、我也曾𢬿你名顯示過佢、知將來又顯示添、令你所愛我嘅愛在佢哋、我亦在佢哋呀、