約翰福音 2 · 1883《約翰福音傳》（粵語聯合譯本修訂本，香港理工大學）

第三日、喺加利利嘅迦拿、有娶親筵席、耶穌嘅母親喺處、

耶穌共門生都被請去赴席、

酒已經盡、耶穌嘅母親對佢話、佢哋冇酒咯、

耶穌對佢話、婦人呀、我與你何干呢、我時候未到呀、

佢母親對的使喚人話、佢所有吩咐你嘅、你就做喇、

喺個處有六個石甕、照依猶太人潔淨嘅事例、每個甕載得兩三桶水、

耶穌對使喚人話、將水倒滿甕喇、佢哋就倒滿、至到甕口、

佢又對佢哋話、如今拂的遞過管筵席嘅喇、佢哋就遞去、

水變成酒、管筵席嘅嘗吓、唔知到佢從邊處嚟、獨係拂水嘅使喚人知呮、管筵席嘅、就叫個新郎、

對佢話、但凡人先擺好酒、等人客飲醉、至擺次的嘅、獨係你留番好酒至到如今呮、

呢的係耶穌始初行嘅異跡、喺加利利嘅迦拿顯出佢嘅榮光、門生就信佢、○

此後、耶穌共佢母親、佢兄弟、佢門生、都落去迦百農、住倒個處、冇幾多日、

猶太人踰越節將近、耶穌上耶路撒冷、

在殿裏、見有賣牛羊白鴿、而且找錢嘅坐處、

就𢬿繩做鞭、趕逐嘥個的人、共牛羊出殿、倒嘵找錢人嘅銀、擁跌佢嘅檯、

對賣白鴿嘅話、將呢的物離開呢處、咪𢬿我父嘅屋、做買賣嘅屋、

門生記得聖書有寫、為你屋嘅熱心、食嘵我咯、

猶太人就答佢話、你既係做呢的、𢬿乜野異跡示我哋呢、

耶穌答佢哋話、你毀拆呢間殿、我就三日內必起番、

猶太人話、起呢個殿、經四十六年咁耐、你三日內起得咩、

耶穌所講嘅、係𢬿殿嚟指佢身呀、

到佢由死復生之後、門生記起佢從前有呢的說話、故此信聖書共耶穌所講嘅、

當踰越節嘅筵席、耶穌喺耶路撒冷、好多人睇見佢所行嘅異跡、就信佢名、

但耶穌唔將自己交託佢哋、因為佢知到眾人咯、

而且唔使人為別人做證、因佢知到人心裏所有呀、