有一個法利賽人、名叫尼哥底母、做猶太人嘅官、
佢夜晚嚟耶穌處、對佢話、夫子、我哋知到你係從上帝嚟嘅老師、因為你所行呢的異跡、倘若上帝唔同埋嘅、冇人能行得、
耶穌答佢話、我實實話你知、人倘若唔係再生、必不能見上帝嘅國、
尼哥底母對佢話、人既老、點能再生、豈能再入老母胎生出嚟咩、
耶穌答佢話、我實實話你知、人唔係由水共聖靈生嘅、必不能入上帝嘅國、
由肉身生嘅、係肉呀、由聖靈生嘅、係靈呀、
我話你必要再生、咪以為奇、
風隨意吹嚟、你聞佢聲、唔知佢邊處嚟、邊處去、但凡由聖靈生嘅都係噉樣、
尼哥底母答佢話、點有噉嘅事呢、
耶穌答佢話、你做以色列嘅老師、都唔知呢的事咩。
我實實話你知、我哋𢬿所知嘅嚟講、𢬿所見嘅嚟證、但係你哋唔受我哋嘅見證、
我對你講地上嘅事、你尚且唔信、倘若對你講天上嘅事、豈能信咩、
除嘵人子係從天降落嚟仍然喺天嘅、冇人升過天、
好似摩西喺曠野處舉起條蛇、人子必定噉樣被舉、
令但凡信佢嘅、得倒永生、
因為上帝愛世界、甚至𢬿佢獨生之子賜過佢哋、令但凡信佢嘅、免至滅亡、又得永生、
因為上帝打發佢子降世、唔係定世界嘅罪、係令世界因佢得救、
信佢嘅就唔定罪、唔信佢嘅、就已經定罪、因唔信上帝獨生之子嘅名呀、
所定嘅罪係噉、即係光臨到世上、世人唔愛光、寧可愛暗、因佢行為係惡呀、
但凡做不善嘅、憎惡光、唔親就光、恐怕佢行為被執責、
獨係行真理嘅必親就光、嚟顯明佢嘅行為、係遵依上帝嚟做嘅、○
此後、耶穌共門生到猶太地、喺個處同佢哋住、嚟施洗、
約翰喺哀嫩、係近住撒冷嘅、亦施洗、因在個處有好多水、人哋嚟受洗、
因為約翰未曾被困在監呀、
個陣時、約翰嘅門生、共一個猶太人爭論潔淨嘅事、
佢哋到約翰處、就對佢話、夫子、昔日同埋你喺約但外、你所指證嘅個個人、如今施洗、眾人到佢處呀、
約翰答話、倘若唔係由天賜過佢、人就不能受乜野、
你哋自己可以為我做證、我也曾話、我唔係基督、係被差遣在佢先頭嘅呮、
娶新婦嘅、係新郎呀、新郎嘅朋友企倒處、聽聞新郎嘅聲、就歡喜到極、如今我亦得倒呢的嘅歡喜咯、
佢必興旺、我必衰弱、
由上頭嚟到嘅、喺萬有之上、由地嘅就屬地、佢個的說話都係屬地、由天嚟嘅、係萬有之上、
佢𢬿所見所聞嘅嚟證明、但冇人受佢嘅證、
受佢證嘅、係好似給印嚟證明上帝係真𡃉、
上帝所打發嘅、就傳上帝嘅說話、因為上帝賜聖靈係冇限量呀、
父愛個子、已經𢬿萬物付託佢手、
信子嘅有永生、唔信子嘅必唔見生、但上帝嘅惱怒、常時在佢之上咯、