耶穌行過個時、見一個人出世係盲嘅、
門生問佢話、夫子、呢個人出世就盲嘅、係乜誰犯罪呢、係佢自己吖、抑或佢父母呢、
耶穌答話、呢個人唔係犯罪、佢父母亦唔係、但係令上帝嘅工夫在佢處顯明呮、
重有熱頭之時、我哋要做打發我嚟嘅工夫、夜晚將到、就冇人能做工夫咯、
我喺世上之時、就係世上嘅光、
講完呢的、就吐口水落地、俾口水摳勻的泥、𢬿泥嚟搽個盲人嘅眼、
對佢話、去西羅亞池處洗吓、西羅亞繙譯即係受打發、佢去洗、番嚟就睇得見咯、
佢嘅鄰舍、共平素見佢係乞食嘅、話、呢個唔係坐處乞食嘅咩、
有的話、係佢呀、有的話、好似佢、但佢自己話、我係咯、
眾人就對佢話、你眼點樣得開呢、
佢答話、個人名叫耶穌嘅、摳勻的泥搽我眼、對我話、去西羅亞池洗吓、我去洗、就睇得見、
眾人對佢話、個人喺邊處呢、佢話、我唔知、
眾人帶住平素係盲眼嘅、去法利賽人處、
當耶穌摳勻的泥開佢眼個日、係安息日、
法利賽人又問佢點樣睇得見、佢答話、佢擠的泥落我眼、我洗過、就睇得見、
法利賽人之中有的就話、呢個人唔係由上帝嚟嘅、因佢唔守安息日呀、有的話、罪人點能做噉樣嘅異跡呢、噉就爭論、
眾人再對個盲嘅話、佢已經開你眼、你話佢係乜野人呢、答話、佢係先知、
但猶太人唔信佢平素係盲眼、後來得見嘅、等到叫得見者嘅父母嚟、
問佢哋話、呢個係你嘅仔、即係你所講出世就盲嘅唔係呢、如今佢點樣得見呢、
佢父母答話、呢個係我嘅仔、又出世係盲嘅、係我所知、
但如今點樣得見、我就唔知、乜誰開佢眼、我亦唔知、佢年紀已經大咯、你問佢、佢噲為自己講、
佢父母噉樣話、係怕猶太人呀、因為猶太人已經議定若有人認耶穌係基督、必趕佢出會堂、
故此佢父母話、佢年紀已經大咯、你問佢囉、
所以眾人再叫個盲嘅嚟對佢話、你要歸榮上帝、我哋知呢個係罪人、
佢答話、係罪人唔係、我唔知、但有一件事、我知到、即係我昔日盲如今、睇得見、
眾人就對佢話、佢共你做乜野、點樣開你眼呢、
佢答話、我也曾話你知、你唔聽、做乜又想再聽呢、你哋都想做佢門生咩、
眾人閙佢話、你係佢門生、我哋係摩西嘅門生、
上帝共摩西講、我哋知到咯、但係呢個人、我哋唔知佢從邊處嚟嘅、
個人答佢哋話、佢已經開我眼、你都唔知佢從邊處嚟、呢的事真係出奇咯、
我知到上帝唔聽從罪人、獨係敬佢能遵依佢旨意嘅、上帝致聽從佢、
自從開闢世界以來、出世係盲嘅、未聽過有人開得佢嘅眼、
呢個人倘若唔係由上帝嚟、就唔做得乜事、
眾人答佢話、你全喺罪中出世、反轉教我哋咩、就趕佢出去、
耶穌聞得眾人趕佢出去、搵著佢、就話、你信上帝之子唔信呢、
佢答話、主呀、邊個、等我可以信佢呢、
耶穌對佢話、你也曾見佢、而且共你講緊嘅、就係佢咯、
佢話、主呀、我信咯、於是拜耶穌、
耶穌話、我為審判降臨呢個世界、令唔見嘅得見、見嘅反做盲、
同耶穌喺處嘅法利賽人、聞得呢的說話、就話、我哋都係盲嘅咩、
耶穌對佢哋話、你哋若係盲、就冇罪、但如今你哋話睇得見、故此你嘅罪重喺處呀、