耶穌基督嘅僕、雅各嘅兄弟猶大，寫信通知在神卽父處得親愛，而且蒙選召爲耶穌基督得保佑嘅人。
願慈悲、平安、仁愛加多過你毗。
所愛嘅呀，我旣係殷勤講論大家得倒嘅拯救，寫信通知你毗，必要寫呢的嚟勸你盡心辨論平素所傳授聖徒嘅道。
因爲有幾個人靜靜入教會，卽係自始初被判定呢的刑罰；佢係唔敬虔嘅人，又挾我哋神嘅恩典變成淫亂嘅機會，唔認獨一位主，卽係神與及我主耶穌基督[^n5]。
你從前所知到嘅，我想令你記得，卽係主救佢百姓出埃及地之後，剿滅個的唔信從嘅。
唔守佢本來職份、離開自己位嘅天使，主留存佢喺黑暗之中，掝鏈永遠鎖住佢，等大日嘅審判。
好似所多馬、蜈摩拉[^n6]共佢鄰近嘅城，同埋做姦淫，而且放縱邪慾，受永遠嘅刑罰，嚟做後來嘅做戒[^n7]。
呢的發夢嘅人亦係噉樣整汚穢肉身，睇輕執政，毀謗尊貴嘅。
但係天使長米加勒共魔鬼爭論摩西嘅屍，唔敢咒罵定佢嘅罪，淨係話：「主執責你！」
但係呢的人毀謗佢所唔知嘅事。佢本性所知，好似〔冇〕靈性嘅獸[^n1]所知一樣，佢挾呢的敗壞自己呀。
佢毗有禍略！因爲佢行該隱嘅路，貪錢財就學巴蘭嘅迷亂，依從哥喇嘅背逆，就被滅亡咯。
佢唔畏懼共你同埋筵席嚟保養自己，喺你相愛嘅筵席佢係瑕疵；係〔冇〕雨嘅雲[^n2]，被風吹散嘅；係〔冇〕菓子嘅秋樹[^n3]，再死就連根蔃都擝起嘅；
係海嘅猛浪，湧出自己之汚穢嘅；又係失本位嘅星，有永遠嘅黑暗留番等佢呀。
亞當第七世嘅孫以諾預先講呢的人話：「睇喇，主共佢千萬聖使者也蠻[^n8]降臨，
嚟審判衆人，而且執責佢哋之中凡唔敬虔嘅人所亂做唔敬虔嘅事，與及唔敬虔嘅罪人凡所講攻擊主嘅狂言呀。」
呢的係譏彈執責嘅人，自己唔知足，依從佢私慾際行，佢口講矜誇嘅說話，爲利益就諂媚人。
所愛嘅呀，你應該記得我主耶穌嘅使徒從前所講嘅說話，
話你哋知末世將有悔弄[^n9]嘅人，依從自己唔敬虔嘅私慾際行。
呢的人卽係自己分別開嘅，佢屬血肉嘅，聖靈唔喺佢心中。
所愛嘅呀，你應該喺你至聖嘅道上自己建立，被聖靈感動嚟祈禱，
就令自己保守愛神之心，望我主耶穌基督俾恩典，致得永生呀。
呢的人之中，你應該分別：或有的你要憐憫佢嘅；
或有的你要畏懼嚟救佢，擢佢出火處；但係佢衣服被血肉嘅私慾整汚遭，亦要憎惡呀。
有能保佑你毗唔跌倒，令你〔冇〕瑕疵[^n4]，而且極歡喜企倒佢榮充[^n10]嘅面前，卽係獨一智慧嘅神，我哋嘅救主，
願榮光、威勢、權能都歸於佢，自今以後，至到世世。誠心所願！