此後主又立七十人、打發佢一對對、先到自己所想去嘅各城各地方。
對佢話、要收割係多、但工人少、所以應該求田主、打發人去收割呀。
你哋去喇、我打發你、好似羊仔入豺𧳓之中。
唔好帶荷包、共袋共鞋、路上唔使共人行禮。
入到人家、就要先話、呢家平安。
倘若有應得平安嘅人喺處、你所求嘅平安、就歸佢、倘若唔係、就歸番你咯。
你喺個家住、佢所供奉嘅、隨飲隨食、因為工人得工錢、係著嘅、唔好喺呢家又搬去別家。
所入嘅城、有人接你、就食佢所供奉嘅。
喺個處見有病嘅、就醫好佢、兼之對眾人話、上帝嘅國近住你嚹。
唔論入邊個城、人若唔肯接你、就行出去街。
話你城嘅塵、(口笞)倒我腳嘅、如今對住你拍用、雖然、你亦當知上帝嘅國、已經近咯。
我話你哋知、到個日所多馬嘅刑罰、比較呢個城嘅、重易受呀。
哥拉汎有禍咯、伯賽大有禍咯、因為喺你之中、所行嘅奇能、若行在推羅西頓、佢哋就大早著麻衫、坐落灰處、嚟悔改咯。
但到審判個日、推羅西頓嘅刑罰、比較你嘅更易受呀。
迦伯農呀、你得升高到天咩、將來必推落地獄。
又話、聽從你嘅、即係聽從我、睇輕你嘅、即係睇輕我、睇輕我、即係睇輕打發我嚟嘅呀。○
七十人歡歡喜喜番嚟話、主、因你嘅名、鬼都服我哋呀。
耶穌對佢哋話、我睇見撒但喺天跌落嚟、好似閃電噉樣。
我𢬿能幹賜過你、可以踹得蛇共蠍、制服仇敵各樣嘅權勢、必定冇損害你嘅。
但唔使因為鬼服你就歡喜、要因為你嘅名、寫落在天、致係歡喜呀。○
個陣時、耶穌心中歡喜話、父呀、你係天地嘅主呀、我讚美你、因為你將呢的事情、對住智慧嘅、通達嘅、就隱藏埋、對住小子、就顯出嚟、父呀、因為你見噉樣係善咯。
萬物都係天父賜過我、除父之外、冇人識邊個係子、除嘵子共子所歡喜指點嘅、冇人識邊個係父。
耶穌囬頭睇吓門生、靜靜對佢話、睇見你所見嘅、個的眼有福咯。
我話你哋知、好多先知共君王、都想見你哋所見嘅、又唔得見、想聽你哋所聽嘅、又唔得聞。○
個陣時、有個教法師起、嚟試耶穌話、老師、我應該點樣做、致可以得永生呢。
耶穌對佢話、律法所寫嘅、係點樣呢、你所讀嘅、係點樣呢。
答話、應該盡心盡性、盡力盡意、愛主你嘅上帝又愛鄰舍好似自己。
耶穌對佢話、你所答嘅係著、噉樣做、就必得生咯。
教法師想稱自己為義、就對耶穌話、邊個係我鄰舍呢。
耶穌答話、有一人、從耶路撒冷落去耶利哥、遇著的賊、剝佢衣服、打傷佢到半死、丟佢喺處去嘵。
適値有個祭司、從個條路落嚟、睇見佢、就喺第邊去嘵。
又有個利未人、嚟到個處、行前去睇吓佢、亦喺第邊去嘵。
但有個撒馬利亞人遊行之時、嚟到個處地方、一見就可憐佢。
行埋佢處、包住佢傷口、𢬿油共酒斟落去、將自己所騎嘅畜生、扶佢上去騎、帶到歇店嚟打理佢。
第二日、擰出二錢銀嚟、交過店主話、請你照顧佢、若係使過你嘅、等我番嚟、必還番你。
呢三個人之中、你估邊個係遇著賊嘅鄰舍呢。
教法師話、可憐佢個個咯、耶穌對佢話、你去照噉樣做喇。○
佢哋行路個時、耶穌入一條村、有一個婦人、名叫馬大、迎接耶穌、入佢嘅屋。
佢有個妹、名叫馬利亞、坐倒主嘅腳下、聽佢道理。
馬大供應嘅事多、心煩意亂、就行埋對耶穌話、主呀、我嘅姊妹、剩我一人、獨自供應、你都唔理咩、要吩咐佢幫助我喇。
主答佢話、馬大呀、馬大呀、你因為事多、就心思擾亂。
但緊要嘅、係一件呮、馬利亞已經揀倒好嘅事業、總唔奪得佢嘅咯。