路加福音 11 · 1867《路加傳福音書》（香港教育大學數據）

耶穌喺一處祈禱，已經完，有個學生，對佢話：主，教我地祈禱，好似約翰教佢嘅學生噉樣。

耶穌對佢話：你祈禱個陣時，應當噉話：我嘅父喺天上嘅，願你嘅名得聖：你嘅國降臨；你嘅主意得成就，喺地如同喺天噉樣。

我需用嘅糧，日日俾我。

求你赦免我嘅罪，因為我又赦免凡虧負我嘅；咪俾我遇誘惑，乃救我脫離兇惡。

又對佢話：你地內中乜誰有個朋友，半夜去到對佢話：請我嘅朋友借三個餅俾我；

因為我有朋友打路嚟，冇野供應佢呀。

佢喺裏頭應，話：咪嘈我喇，已經閂埋門咯，我共我嘅細蚊仔喺床上，唔起得身嚟俾你呀。

我話你地知：縱然唔念着係朋友，起身嚟俾佢；但喺因為噉急切，就是必起身嚟俾佢，應佢嘅緊阿。

我又話你知：你求，就俾你；去搵，就搵倒；打門，就開俾你咯。

因為凡求嘅，就得倒；搵嘅，就搵倒；打門，就得開喇 。

你地中間做老竇嘅，邊個有仔嚟攞餅，反轉俾石頭過佢呢，嚟攞魚，反轉俾蛇過佢當做魚嘅呢？

或攞蛋，反轉俾毒蟲過佢呢？

你地惡嘅人，尚且知到俾好嘅野過仔，何況天父有唔𢬿聖神賜俾求佢嘅咩？

耶穌趕啞鬼出去，鬼出個時，啞佬就噲講，眾人見出奇。

佢地中間有人話：佢倚賴鬼王別西卜嚟趕鬼呮。

又有人試耶穌，叫佢𢬿天上出奇嘅事，做出嚟。

耶穌知佢嘅意思，就對佢話：一國自己相爭，就必定變成荒咯，一家自己相爭，就必定跌倒。

若者撒但自己相爭，就佢嘅國點樣建立呢？因為你話，我倚賴別西卜嚟趕鬼。

若係我倚賴別西卜嚟趕鬼，就你嘅子弟倚賴邊個嚟趕鬼呢？故此佢將議論你咯。

若係倚賴上帝嘅手指嚟趕鬼，就 上帝嘅國嚟到你個處喇。

有有勇嘅人，着起盔甲嚟看守個屋，佢所有嘅野就穩當喇；

但係越發英雄嘅人嚟，打贏佢，就搶嘵佢所倚賴嘅盔甲，分開佢嘅贓物咯。

唔同埋我嘅，就係攻打我；唔共我收拾野嘅，就係分散野嘅咯。

邪鬼離開人，喺無水嘅地方逛來逛去，想安樂，又唔得；就話：我將返去我出嚟個間屋。

嚟到，就睇見打掃乾淨，又修飾好咯；

就出去，帶七隻惡過自己嘅鬼嚟，佢入去，就喺處住；嗰個人後來嘅患難，比較先頭，越發關係咯。

講說話個陣時，喺眾人中間，有一個女人，大聲對佢話：懷你喺胎，俾奶過你飲嘅，有福咯！

係嘞，人聽上帝嘅道理，而且遵守嘅，有福呀。

眾人擠擁聚集個時，耶穌起首講，話：呢個係惡嘅世代；想睇異蹟，除先知師約拿嘅異蹟之外，冇異蹟俾佢睇咯。

因為如同約拿做異蹟，俾尼尼微人噉樣，人嘅仔又將做異蹟俾呢世代呀。

南方嘅女王，到審判個陣時，將共呢世代嘅人起嚟，定佢嘅罪，因為女王喺地之極嚟，聽所羅門嘅智慧；呢！有大過所羅門嘅喺呢處呀。

尼尼微人到審判個陣時，將共呢世代起嚟，定佢嘅罪，因為尼尼微人聽約拿嘅說話，就悔改；呢！有大過約拿嘅喺呢處呀。

人地點燈，唔擠落暗暗[口焙]嘅地方，又唔喺擠落個斗下底；定係擠倒抬上高，想入嚟嘅人睇見佢嘅光呀。

眼就係身嘅光哩。你嘅眼係光，就一身都光；你嘅眼係曚就一身都暗咯。

謹慎呀免至你裏頭嘅光變暗呀。

倘若你全身有光，冇一毫嘅暗，就個光完全好似燈嘅光燄照住你咯。

講說話個陣時，有𠵽唎㘔請耶穌食飯；耶穌就入去坐席。

嗰個𠵽唎㘔人睇見耶穌唔先洗手至食，就見出奇。

主對佢話：你地𠵽唎㘔人杯盤外邊就整到乾淨；但你裏頭就充滿搶掠非義嘅野。

愚蠢嘅人呀，你唔知做外邊嘅，又係做裏頭嘅咩？

你𢬿裏頭嘅野嚟，分俾人，就冇話唔乾淨嘅咯。

你𠵽唎㘔人有禍咯，薄荷、香草，菜蔬，你就納十分一，公義及愛敬上帝你就廢嘵；但呢的係你應該做嘅，個的又唔好唔做呀。

你𠵽唎㘔有禍咯，因為你歡喜喺會堂裏頭坐上位，喺街上問安。

你偽善嘅讀書人，𠵽唎㘔人，你地有禍咯，因為你好似隱藏嘅墳墓，喺上高行嘅人都唔知到呀。

有教律法嘅先生答耶穌，話：先生，你句說話亦羞辱我咯。

耶穌話：你教律法嘅先生，亦有禍咯，因為你地𢬿難擔嘅責任，俾人擔自己就一隻手指都唔摸吓。

你有禍咯，你嘅祖宗殺嗰的先知師，你整嗰的先知師嘅墳墓。

噉樣做證你歡喜你祖宗做嘅；因為你祖宗殺嗰的先知師，你又整佢嘅墳墓。

故此上帝嘅智慧有話：我將打發先知師共使徒去佢個處，其中有個被殺，有個受害迫。

自開闢以來，殺先知師，流佢嘅血，喊唪唥共呢世代攞番。

自亞伯嘅血至到撒加利亞死到殿壇裏頭嘅血；我老實話你知：是必共呢世代攞番𡃉。

你教律法嘅先生有禍咯，你奪嘵有知識嘅鎖匙；自己唔入去，又阻住個的想入去嘅添。

耶穌噉對佢講，個陣時，個的讀書人共𠵽唎㘔人好嬲佢，使好多方法盤問佢。

預備埋伏來等，想執佢口講嘅說話，嚟話佢有罪咯。