個陣時有幾萬人喺個處，踩踩踏踏。耶穌起首對佢嘅學生話：第一應當謹慎提防𠵽唎㘔人嘅酵種，即係偽善呀。
冇藏埋嘅唔露出嚟，隱埋嘅唔顯出嚟𡃉。
所以你地喺暗[口焙]講嘅，是必喺光明嘅地方聽聞；你喺密房枕埋耳講嘅，是必喺屋背宣揚出嚟。
我嘅朋友，我話俾你知：個的獨係殺你嘅身，後來唔能俾第二樣艱難嘅唔使怕佢。
但我俾你知應當怕嘅：怕嗰個殺嘵之後，又有權擗你落地獄嘅；我老實話你知，應當怕嘅，就係呢個咯。
五隻雀仔唔係二分銀，就賣得唎咩？但係喺上帝面前，一隻都唔忘記呀；
連你地嘅頭髮都已經數過；所以唔使怕，你比較好多雀仔越發貴重呀。
我話你知：喺人面前認我嘅，人嘅仔喺上帝天使嘅面前，將來亦認佢。
喺人面前唔認我嘅，喺上帝天使嘅前亦唔認佢。
𢬿說話凌辱人嘅仔嘅，可以得赦；但係褻瀆聖神嘅，佢唔得赦免呀。
人地拉你去到會堂，官府，有權者嘅面前；你唔使掛慮點樣，點樣申訴，或講乜野說話。
因為個陣時，聖神必定教你應當講嘅。
大眾中間有個人對耶穌話：先生，請你，吩咐我嘅兄弟，共我分開遺落嘅家業喇。
但耶穌對佢話：人阿，邊個立我喺你地中間審事，管你分家當嘅呢？
就對眾人話：謹慎，唔好貪呀；因為人嘅生命唔係在積蓄得多呀。
就設譬喻嚟對佢講，話：有個財主佬，田地生產好多。
佢自己打算，話：我有土產，冇地方擠得落，點算好呢？
又話：我想噉樣做：拆嘵我嘅倉，起過大嘅；咁樣可以擠得落喊唪唥土產及貨物咯。
又將對我靈魂話：靈魂阿，我有咁多物件，積埋夠多年花用，可以安安樂樂，飲，食歡喜咯。
但上帝卻對佢話：愚蠢嘅人，今晚將攞你嘅靈魂，就你齊備嘅歸乜誰呢？
凡為自己積埋貨財，但唔係富厚在上帝嘅，都係噉樣咯
耶穌對佢嘅學生話：故此我話你知唔使掛慮生命食乜野，身體着乜野。
生命貴過糧草，身體貴過衣裳阿。
試想吓個的老鴉，佢唔耕田，冇收割，又冇倉，又冇庫；但上帝都養佢。你貴過個雀幾多呢？
你地乜誰能夠𢬿思慮延遲一刻嘅生命呢？
個的至細嘅尚且唔做得嚟，做乜掛慮別二樣呢？
試想吓個百合花，佢點樣生長，佢冇勞苦，冇織紡；但我話你知，當所羅門至榮華，佢嘅衫都唔當個的朵花呀。
個的野草，今日都仲喺處，明日就擗落火爐嘅咯，上帝尚且噉樣修飾佢，何況你地小信嘅人呢？
故此你亦唔使打算，食乜野，飲乜野，又唔使掛慮；
因為個的野，都係呢世嘅異族類人求嘅呮；但你嘅天父知道你需用個的噃。
但求上帝國，就喊唪唥個的野自然俾過你咯。
你細嘅群，你唔使怕，因為你嘅天父歡喜將𢬿國賜俾你。
賣嘵你所有嘅，嚟賙濟人；預備時時新嘅袋，天上使唔盡嘅財帛；個處賊唔到得，蛀蟲唔蛀得壞駕。
因為你嘅財帛喺個處，你嘅心又喺個處咯。
束緊你嘅帶，點着你嘅燈，
好似人地等家主喺婚姻嘅筵席返嚟，嚟到打門，即時就好開咯。
家主嚟到，睇見個的僕醒，個的僕就有福咯。我老實話你知，個家主是必自己束緊帶，叫佢地坐埋筵席，就行前去服侍佢。
或二更返到嚟，或三更返到嚟，睇見個僕噉樣，嗰個僕就有福咯。
若者家主知道個賊幾時候嚟，就必定睇更，唔至到挖爛個屋，個的你知道喇。
所以你都應當預備，因為估唔到嘅時侯，人嘅仔就嚟咯。
彼得對佢話：主，設呢個譬喻，為我地呀，定為眾人呢？
主話：邊個係忠心智慧嘅管家，家主叫佢管理家人，隨時分發糧米嘅呢？
家主嚟個時，見個僕做呢件事，佢就有福咯。
我老實話你知家主將使佢管理喊唪唥所有嘅咯。
倘若嗰個僕估家主冇咁快嚟，就起手打別二個僕，妹仔，隨便食，飲到醉。
唔估到嘅日子，唔知道嘅時候，嗰個僕嘅主嚟到，就擘開佢兩邊，當佢同唔信嘅人一樣咯。
僕知道家主嘅意思，又唔預備，又唔順佢嘅意思，受打是必多。
但唔知得嘅，做出應當受打嘅事嚟，就受打是必少：因為俾多過佢，必定共佢攞多，多受托嘅，又多受問阿。
我嚟到，𢬿火擗落地，倘若已經燒着，唔係我所要嘅咩。
但我有應當受嘅洗，等到佢成就，噉樣我好迫切呀。
你以為我嚟俾世界得太平咩？我話，唔係，反轉頭有爭鬥呮。
因為從今以後，一家五個人是必相爭，三個人共兩個人爭，兩個人共三個人爭；
老竇共仔爭，仔共老竇爭；老母共女爭，女共老母爭；家婆共新抱爭, 新抱共家婆爭。
就對眾人話：若你睇見喺西邊有雲起，你就話：上下有雨落咯，果然係有。
若你睇見風喺南邊吹嚟，你話：上下暑熱咯，果然又有。
偽善嘅人呀，你噲審度天地嘅色，做乜唔噲審度呢個時候呢？
做乜又唔自己打算下吓所應當嘅呢？
若你共告你嘅去見官府，喺路上個時，應當盡心求佢釋放，恐怕拉你去交俾案察司，案察司發俾差，個差擠你落監。
我話你知，一毫一釐唔曾還番，喺嗰處通通唔出得嚟呀。