安息日，耶穌入𠵽唎㘔人一個頭目嘅家中食飯，眾人就𥅾住佢。
有一個蠱脹嘅人，喺佢面前。
耶穌答教法師及𠵽唎㘔人話，安息日行醫，着唔着呢。
眾人都唔出聲，耶穌就將個個人醫好佢，由得佢去。
就對眾人話，你哋邊個有牛或驢，跌嘵落坑，唔係當安息日，都即時拉佢番上嚟呢。
眾人不能答得呢的說話。
耶穌見所請嘅人客，揀上位坐，就設譬喻對佢哋話。
有人請你赴婚筵，唔好坐上位，怕佢請嘵一個重尊貴過你嘅。
個請你共佢嘅人，就對你話，讓位過呢個人喇。噉就你必見羞愧，去坐落收尾個位咯。
但有人請你之時，你去坐落收尾個位，等請你嘅人，嚟對你話，朋友，請坐上喇，噉就你喺同席之前，有體面咯。
因為凡係自高嘅人，必降為卑，自卑嘅人，必得升高呀。
又對請佢嘅人話，你擺設朝餐或晚餐，唔好請你嘅朋友兄弟親戚，共富貴嘅鄰舍，恐怕佢哋請番你，就報答嘵你嚹。
但你擺設筵席，請個的貧窮嘅，廢疾嘅，跛嘅，盲嘅。
你就有福咯，因為佢哋不能報答你，到義人復生之時，你必得報答咯。
同席嘅，有一個人，聽見呢的說話，就對耶穌話，喺上帝國食飯嘅有福咯。
耶穌對佢話，有一個人設大餐，請好多人。
擺開筵席個時，打發佢個僕去，對所請嘅人話，嚟喇，各樣物件，都齊備嚹。
眾人都同埋一心推辭，第一個話，我買嘵田，要出去睇吓。請你准我推辭。
又第二個話，我買嘵犁田嘅牛五對，要去試吓佢，請你准我推辭。
又別二個話，我娶嘵親，故此不能嚟。
個僕番歸，對佢嘅主講呢的事。個主就好惱，吩咐佢嘅僕話，即刻去城裏嘅街巷，帶個的貧窮嘅，廢疾嘅，盲嘅，跛嘅，都入嚟喇。
個僕話，主呀，我已經依你嘅吩咐去做，重有位剩呀。
個主對佢僕話，你出去路邊籬下，就勉強個的人入嚟，等佢坐滿我嘅屋。
我話你哋知，先頭所請嘅人，一個都唔嘗得我嘅筵席呀。
有羣眾同佢行，耶穌回頭對佢哋話。
但凡嚟到我處，若唔係愛我勝過愛父母妻兒兄弟姊妹，共自己生命嘅，就唔做得我門生。
又但凡唔孭佢十字架跟從我嘅，唔做得我門生。
你哋邊個想起一座樓，唔係先坐處計過個的費用，睇吓够做得成唔够呢。
恐怕冧嘵墻脚，唔做得成，眾人睇見，就噲笑佢話。
呢個人起首建做，但不能做得成呀。
抑或有邊個王，想去同別個王打仗，唔係先坐處商量，可能𢬿一萬兵，敵得帶二萬兵嚟打佢嘅呢。
倘若唔係，就趁佢喺好遠個時，打發人去求和嚹。
噉樣，你哋之中，邊個唔捨嘥自己所有嘅，唔做得我嘅門生。
鹽係好嘅，偌若鹽失嘵味，點得再鹹呢。
唔着落田，又唔着落糞氹，惟有倒出外便呮，有耳可聽嘅，就要聽嚹。