耶穌又對門生話：「一個財主嘅人有個管家，佢被人告過主人知，話佢花散主人嘅財帛。
個主人就呌佢嚹，對佢話：『我聽聞人講你嘅係點樣呢？你要交出管家嘅數目嚹，因爲你唔得照舊做管家咯。』
個管家心中話：『我要點樣呢？因爲主人奪番我管家嘅職；鋤田，我冇氣力；乞食，又見羞恥。
我知到點樣做咯，等革曉我管家嘅職之後，人哋就接我啄佢屋企咯。』
啷就凡係欠佢主人錢債嘅，逐個呌佢嚟，對頭一個話：『你欠我主人幾多呢？』
佢話：『一百斗油。』管家對佢話：『擰你嘅單嚟，快的坐倒處，寫欠五十罷咯。』
又對第二個話：『你欠幾多呢？』佢話：『一百擔麥。』管家話：『擰你嘅單嚟，寫欠八十罷咯。』
個主人就贊個不義管家做事旹精，因爲呢的世人在世事之中，比較光明嘅人重精呀。
我話你哋知，摵不義嘅錢財交結朋友，等到錢財喪亡個時，佢哋就接你哋入永遠嘅屋咯。
有人在小事忠心，在大事亦忠心；在小事不義，在大事亦不義略。
倘若在不義嘅錢財你哋都唔忠心，就邊個摵眞實嘅嚟交托你哋呢？
倘若在別人嘅物你都唔忠心，就邊個摵你自己嘅物嚟俾過你哋呢？
一個僕不能服事兩個主，因爲或憎呢個、愛個個，或睇重呢個、睇輕個個；你哋不能服事上帝，又服事錢財呀。」
個的貪錢嘅咭喇嚽人都聽嘥呢的說話，就笑耶穌。
耶穌對佢哋話：「你哋喺人面前自稱爲公義，但上帝知到你嘅心，因爲人所尊貴嘅，係上帝所憎惡呀。
律法及先知至到約翰，自後上帝嘅國傳揚開，人人都用力入去咯。
廢咗天地，重容易過廢咗律法一畫呀。
但凡出佢嘅妻娶過別個，係行姦淫呀；但凡娶人哋所出嘅妻，亦係行姦淫呀。
有一個財主嘅人，着紅袍共幼細嘅布，日日宴樂奢華。
又有一個貧窮嘅人，名呌拉撒路，生得滿身瘡，被人擠佢喺財主嘅人門口。
佢想得財主嘅人跌落檯下的啞碎嚟食飽，又有的狗嚟舐佢瘡。
後來個貧窮嘅人死咗，天使抱起佢，擠倒亞伯拉罕嘅胸懷；財主嘅人亦死咗，又葬埋佢。
喉陰間痛苦個時，擔高頭，遠遠睇見亞伯拉罕，又見拉撒路嘅佢胸懷處，
就大聲呌話：『我祖父亞伯拉罕呀，可憐我，打發拉撒路摵手指尖點的水嚟涼吓我條脷喇，因爲我縣呢的火燄處好苦楚呀。』
亞伯拉罕話：『仔呀，你要記得你生前受過你嘅好處，拉撒路受過唔好處；但如今佢得安慰，你受苦楚咯。
不獨係嘅，你我嘅中間有深淵隔住，想喺呢處過去你個便唔做得，想啄你個處過嚟我呢便又唔做得。』
佢就話：『旣係噉樣，就求我嘅祖父打發拉撒路去我父親家中，
因爲我重有五個兄弟，使拉撒路爲佢做證，免至佢哋又嚟到呢處受苦呀。』
亞伯拉罕對佢話：『佢哋有摩西共先知，就可以聽佢話哩。』
佢話：『唔係噉樣，我祖父亞伯拉罕呀！若係由死者之中有一個去到佢哋處，佢哋就必定悔改咯。』
亞伯拉罕對佢話：『若唔聽摩西共先知嘅話，雖由死者之中有一個復生，佢哋亦唔聽勸嘅哩。』」