耶穌又對門生話、一個財主嘅人、有個管家、佢被人告過主人知、話佢花散主人嘅財帛。
個主人就叫佢嚟對佢話、我聽聞人講你嘅、係點樣呢你要交出管家嘅數目嚟、因為你唔得照舊做管家咯。
個管家心中話、我要點樣呢、因為主人奪番我管家嘅職、鋤田我冇氣力、乞食又見羞恥。
我知到點樣做咯、等革嘵我管家嘅職之後、人哋就接我喺佢屋𨀣咯。
噉就凡係欠佢主人錢債嘅、逐個叫佢嚟、對頭一個話、你欠我主人幾多呢。
佢話、一百斗油。管家對佢話、擰你嘅單嚟、快的坐倒處、寫欠五十罷咯。
又對第二個話、你欠幾多呢。佢話、一百擔麥。管家話、擰你嘅單嚟、寫欠八十罷咯。
個主人就贊個不義管家、做事咁精、因為呢的世人、在世事之中、比較光明嘅人重精呀。
我話你哋知、𢬿不義嘅錢財、交結朋友、等到錢財喪亡個時、佢哋就接你哋入永遠嘅屋咯。
有人在小事忠心、在大事亦忠心、在小事不義、在大事亦不義咯。
倘若在不義嘅錢財、你哋都唔忠心、就邊個𢬿真實嘅、嚟交托你哋呢。
倘若在別人嘅物、你都唔忠心、就邊個𢬿你自己嘅物、嚟俾過你哋呢。
一個僕、不能服事兩個主、因為或憎呢個、愛個個、或睇重呢個、睇輕個個、你哋不能服事上帝、又服事錢財呀。○
個的貪錢嘅法利賽人、都聽嘥呢的說話、就笑耶穌。
耶穌對佢哋話、你哋喺人面前、自稱為公義、但上帝知到你嘅心、因為人所尊貴嘅、係上帝所憎惡呀。
律法及先知至到約翰、自後、上帝嘅國傳揚開、人人都用力入去咯。
廢嘵天地、重容易過廢嘵律法一畫呀。
但凡出佢嘅妻、娶過別個、係行姦淫呀。但凡娶人哋所出嘅妻、亦係行姦淫呀。○
有一個財主嘅人、著紅袍、共幼細嘅布、日日宴樂奢華。
又有一個貧窮嘅人、名叫拉撒路、生得滿身瘡、被人擠佢喺財主嘅人門口。
佢想得財主嘅人、跌落檯下的咂碎嚟食飽、又有的狗嚟䑛佢瘡。
後來個貧窮嘅人死嘵、天使抱起佢、擠倒亞伯拉罕嘅胸懷、財主嘅人亦死嘵、又葬埋。
佢喺陰間痛苦個時、擔高頭遠遠睇見亞伯拉罕、又見拉撒路、喺佢胸懷處。
就大聲叫話、我祖父亞伯拉罕呀、可憐我、打發拉撒路、𢬿手指尖點的水嚟涼吓我條脷喇、因為我喺呢的火燄處、好苦楚呀。
但亞伯拉罕話、仔呀、你要記得、你生前受過你嘅好處、拉撒路受過唔好處、但如今佢得安慰、你受苦楚咯。
不獨係噉、你我嘅中間、有深淵隔住、想喺呢處、過去你個便唔做得、想喺你個處、過嚟我呢便、又唔做得。
佢就話、既係噉樣、就求我嘅祖父、打發拉撒路去我父親家中。
因為我重有五個兄弟、使拉撒路為佢做證、免至佢哋又嚟到呢處受苦呀。
亞伯拉罕對佢話、佢哋有摩西共先知、就可以聽佢話哩。
但佢話、唔係噉樣、我祖父亞伯拉罕呀、若係由死者之中、有一個去到佢哋處、佢哋就必定悔改咯。
亞伯拉罕對佢話、若唔聽摩西共先知嘅話、雖由死者之中、有一個復生、佢哋亦唔聽勸嘅哩。