耶穌對門生話，令人陷罪嘅事，必不能冇，但令人陷罪嘅，個個人有禍咯。
或佢令呢的小子一個陷罪，就寧可被大石磨掛住頸，𢫕落海重好呀。
你哋要自己謹慎，倘若你嘅兄弟犯罪，就勸諫佢，若係悔罪，就赦免佢。
倘若佢一日七回得罪你，亦七回回番轉嚟話，我悔罪咯，你就要赦免佢。
個的使徒對主話，請你加多我哋嘅信德。
主話，若你哋有信，好似芥菜種噉，就可以對呢樖桑樹話，拔起根嚟種落海，佢都聽你哋話咯。
你哋邊個有奴僕，或去耕田，或去看牛，喺田番嚟，就叫佢即時坐埋筵席呢。
豈唔係對佢話，你預備我嘅晚餐，束起腰帶嚟服事我，等我飲食完，然後你致飲食囉。
因個僕遵命去做，主人就多謝佢咩，
噉樣，你哋照所吩咐嘅嚟做嘥，都要自己話，我哋係無益嘅，僕，因為我做嘅，係本分所當做嘅呮。
耶穌去耶路撒冷個時，經過撒馬利亞加利利。
入一條村，有十個痲瘋嘅人撞見佢，就離遠企處。
大聲叫話，耶穌老師，可憐我哋。
耶穌睇吓佢哋，就話，去喇，俾祭司睇吓你哋。佢哋去個時，就得潔淨咯。
其中有一個見自己好番嘥，就番轉頭大聲歸榮上帝。
又蹼倒耶穌脚下嚟多謝佢。呢個係撒馬利亞人呀。
耶穌答話，得潔淨嘅，唔係十個人咩，個九個喺邊處呢。
除嘵呢個外族人，未曾有第二個番嚟歸榮上帝呢。
就對個個人話，起身去喇，你嘅信救嘵你咯。
𠵽唎㘔人問耶穌上帝嘅國，幾時致到呢。耶穌就答佢哋話，上帝嘅國，唔係顯然嚟到嘅。
人唔話得睇吓喺呢處，或喺個處，因為上帝嘅國，喺你哋嘅心呀。
又對佢嘅門生話，時候將到，你哋想見人子嘅一日，都唔見得。
有人噲對你哋話，睇吓喺呢處，睇吓喺個處，你唔好去，又唔好跟從呀。
因為好似天上閃電，閃在呢邊，光到個邊，人子嚟個日，亦係噉樣。
但佢是必先受好多苦難，被呢個世代厭棄。
好似挪亞個陣時，個的人飲食嫁娶。
到挪亞入方舟個日，洪水嚟到，剿滅嘥眾人，人子嚟個日，亦係噉呀。
又好似喺羅得之時，個的人飲食買賣，耕種起屋。
到羅得出所多馬個日，自天有火共硫磺落嚟，剿滅嘥眾人。
喺人子顯現之日，亦係噉樣。
當個日，有人喺屋背嘅，佢傢伙喺屋裏頭，唔好落去擰呀，又有人喺田嘅，唔好番入屋呀。
要記住羅得嘅妻呀。
但凡想保全佢生命嘅，必噲喪失，但凡喪失佢生命嘅，必噲保全呀。
我話你哋知，個晚兩個人同床，取一個，舍一個。
兩個女人同埋推磨，取一個，舍一個。
兩個人喺田間，取一個，舍一個。
佢哋問話，主呀，邊處有噉呢。耶穌對佢話，屍喺處，麻鷹就聚集個處咯。