路加福音 19 · 1883《新約四福音》（AI OCR辨認）

有一個人名叫撒該，佢做收稅嘅頭人，係財主嘅。

佢想睇見耶穌係點樣嘅人，但係人多唔睇得見，因佢身材矮細呀。

佢就走前去，爬上桑樹，等睇得見耶穌，因爲耶穌將經過個處。

耶穌嚟到個處，擔高頭睇吓，對佢話：「撒該呀，快的落嚟喇，因爲今日我要喺你屋企住呀。」

佢就快的落嚟，歡喜迎接耶穌。

個的睇見嘅人俱譏彈耶穌話：「佢入罪人嘅屋歇宿呀。」

撒該就企處，對主話：「主呀，我所有嘅，擰一半嚟周濟窮人；若係訛詐過人嘅，就賠番四倍。」

耶穌對佢話：「今日得救嘅恩降臨呢家咯，因爲佢都係亞伯拉罕嘅子孫。

人子嚟，係揾個的喪失嘅人嚟救佢呀。」

話：「有個尊貴嘅人去好遠地方，想受封得國致番嚟，

就呌佢嘅僕十個嚟，俾十斤銀過佢，對佢哋話：『你去做生意，等到我番嚟。』

但佢嘅百姓憎惡佢，打發人隨後去話：『我哋唔想呢個人做我嘅王呀。』

個尊貴嘅人受封得國番嚟，就吩咐人呌個的託落銀嘅僕嚟，等知到佢哋賺得幾多利錢。

第一個嚟話：『主，你嘅一斤已經賺得十斤咯。』

個主就對佢話：『好，良善嘅僕呀！至小嘅事你既然忠心，可以管理十個城咯。』

第二個嚟話：『主，你嘅一斤已經賺得五斤咯。』

個主對佢話：『你都可以管理五個城咯。』

又有一個嚟話：『主呀，睇吖，你個斤銀喺處，我俾手巾包住擠埋，

因為我怕你係嚴令嘅人，未曾擠落嘅就要攞番，未曾撒種嘅就要收割呀。』

個主對佢話：『惡僕呀，我就城你嘅口供嚟判斷你！你知到我係嚴令嘅人，未曾擠落嘅就要攞番，未曾撒種嘅就要收割嘅咩？

噉做乜唔城我嘅銀擠落銀舖，等我番嚟就可以連本帶利攞番呢？』

就吩咐側邊企處嘅人話：『攞番個斤銀，俾埋個個有十斤嘅喇。』

衆人對佢話：『主，佢已經有十斤咯。』

主話：『我話你知，但凡有嘅，重要俾的佢添；冇嘅，就連佢所有嘅都要奪埋。

至於我個的仇敵，唔想我做佢王嘅，拉佢嚟，嚟我面前殺佢。』」

嚟到伯法基、伯大尼，近住個山名叫橄欖山，佢就打發兩個門生，

話：「你去對面個條村，入去個時必遇着一隻驢仔鄉倒處，向來未有人騎過嘅；你哋就解開，拉佢嚟。

倘若有人問你：『爲乜事解個隻驢？』你就噉話：『主要用佢。』」

受打發嘅人去，果然遇着照依耶穌對佢哋所講嘅。

佢哋解緊驢個時，驢嘅主人就問話：「解個隻驢做乜野呢？」

佢哋話：「主要用佢。」

就拉佢到耶穌處，摵自己嘅衫鋪落驢背上，扶耶穌騎上去。

佢行個陣時，衆人摵自己嘅衫鋪落路上。

嚟近耶路撒冷，將落橄欖山，大衆門生因所有見過嘅奇能，就好歡喜，大聲讚美上帝，

話：「托主名嚟嘅王，有福咯！在天有和平，在至高處有榮光！」

衆人之中有的咾喇嚟人對耶穌話：「老師，責成你嘅門生喇。」

耶穌就答話：「倘若呢的人閉口無言，個的石頭就噲出聲咯。」

話：「若係你先日，卽係喺你嘅日子，曉得關你平安嘅事就好咯；但如今隱藏埋你嘅眼，唔得見咯。

因爲日子一到，你嘅仇敵是必築個泥城，周圍圍住你，四面困住你；

而且剿平你共你裏頭嘅子民，又在你處唔留一礦石踏住第二礦石之上，因爲你唔知睇顧嘅時候呀。」

對佢哋話：「聖經有寫：『我屋係祈禱嘅屋。』但你哋掖佢嚟做賊巢咯。」

耶穌日日啄殿堂教人，衆祭司長、讀書人及民間尊貴嘅都想殺佢，

但唔揾得出點樣法子，因衆百姓好留心聽佢講呀。