路加福音 20 · 1867《路加傳福音書》（香港教育大學數據）

有一日,耶穌喺殿堂教訓百姓，傳講福音，個陣時，列位祭司嘅頭人，共讀書人及個的老大嚟問耶穌

話：請你話我知，你𢬿乜野權勢嚟做呢件事，邊個俾呢的權勢過你呢？

但耶穌答佢話：我又問你一句，請你話我知：

約翰嘅洗禮，係由天呀，抑或係由人呢？

個的人私下斟酌，話：若話係由天，佢就是必話做乜野唔信佢呢？

若話，係由人呮，就百姓是必𢬿石頭打我，因為大眾百姓都信約翰係先知師呀。

就答耶穌話：我地唔知道由邊處嚟呀。

耶穌對佢話：我又唔話你知，𢬿乜野權勢嚟做呢件事。

就講譬喻嚟對大眾話：有人種成一個葡萄園，租俾耕田佬，自己去嘵別二處地方好耐。

到期，打發一個僕去耕田佬個處，叫佢攞園內嘅果，個的耕田佬打佢，俾佢空手番轉頭。

又打發第二個僕去，個的耕田佬又打佢，而且凌辱佢，俾佢空手番轉頭。

又打發第三個僕去，個的耕田佬又打傷佢，趕逐佢添。

嗰個園主就話：我將點樣做呢？不如打發我所愛嘅仔去，或者佢睇見，就恭敬佢。

但個的耕田佬睇見佢，就私下斟酌話：呢個係佢承接家業嘅仔，嚟殺嘵佢，就個家業歸我地咯。

就趕出去園外，殺嘵佢；嗰個園主將來點樣處置佢呢？

必定來到剿滅個的耕田佬，𢬿佢嘅園嚟托過第二個人咯。個的聽見嘅人就話：唔願噉呀。

耶穌睇吓佢，話：聖經書寫嘅點話呢？工匠師傅丟棄嘅石，做成屋角第一個嘅石呀。

跌落呢嚿石上高嘅人，必定損傷；呢嚿石跌落佢身上嘅，佢嘅身是必粉咁碎咯。

嗰陣時，列位祭司嘅頭人，讀書人，因為佢知道耶穌講譬喻係指明佢自己，就想捉佢，但係恐怕百姓呮。

就靜靜𥅾佢，又打發探子假扮善義嘅人，想籍佢嘅說話：解佢俾官府共總督嘅權下。

就嚟問耶穌話：先生，我知你講嘅教訓嘅都係正𡃉，唔睇顧人外面嘅，乃係𢬿真實嚟教訓上帝嘅道。

我地納稅俾該撒皇帝，着唔着呢？

耶穌知道佢嘅詭計，就對佢地話：做乜試我呢？

𢬿個銀錢俾我睇吓，嗰個樣子共記號係乜誰嘅呢？佢答地話：係該撒𡃉。

耶穌話：就𢬿該撒嘅納俾該撒，𢬿上帝嘅納俾上帝喇。

嗰個探子喺百姓面前，唔執得倒佢嘅說話，而且出奇佢嘅應對，故此都冇聲出。

有幾個撒吐該人，即係個的話，冇番生嘅人，嚟問耶穌，

話：先生，摩西寫落書嚟指示我地嘅，話：若人兄弟有老婆佢無仔死嘵，就佢嘅兄弟是必娶佢嘅老婆，生仔嚟繼(自)佢。

家下，有七兄弟，至大娶老婆，冇仔，就死嘵。

第二嘅娶佢嘅老婆，又冇仔，就死嘵；

第三嘅又娶佢，至到第七嘅都娶過佢，都冇仔生落，就死嘵。

收尾嗰個女人都死嘵。

到翻生個陣時，嗰個女人做邊個嘅老婆呢？因為七個人都娶過佢咯。

耶穌答佢話：呢世嘅人有嫁娶呮。

但堪當得到嗰世，及由死番生嘅，佢就冇嫁娶咯。

以後唔能再死，因為佢同天使噉樣，又係上帝嘅仔，因為係番生嘅人呀。

講到死人番生嘅事，摩西喺朸林都有顯明咯，佢叫主做亞伯拉罕嘅上帝，以撒嘅上帝，雅各嘅上帝。

但上帝唔係死者嘅上帝，乃係生者嘅 上帝，因為眾人在佢係生𡃉。

有幾個讀書人，就答佢話：先生，你嘅說話真係好咯。

後來就冇人敢問佢。

耶穌對眾人話：人點話，基督係大闢嘅子孫呢？

喺詩篇，大闢自己話：主對我嘅主話，坐倒我右邊。

等我𢬿你嘅仇敵做你嘅腳凳。

大闢既然稱呼基督做主，就基督點係大闢嘅子孫呢？

大眾聽講個陣時，耶穌對佢嘅學生話：

謹慎提防個的讀書人呀，佢好着長衫出去逛，又歡喜喺街市上請安，喺會堂坐大位，喺筵席坐上位。

但佢吞寡母婆嘅家財，假意做長長嘅祈禱，故此佢受刑罰是必越發重呀。