大眾齊齊起，解送耶穌去到彼拉多面前，
告佢，話：我也曾睇見呢個人煽惑民心，禁人納稅俾該撒皇帝，自己話，係基督，即係王喎。
彼拉多問耶穌話：你係猶太人嘅王咩？耶穌答佢話：你講嘅係咯。
彼拉多對列位祭司嘅頭人共大眾話：我睇見呢個人冇罪呀。
眾人越發出力喊，話：佢喺猶太省地方周圍傳教，攪亂百姓，由加利利起，至到呢處。
彼拉多一聽見加利利，就問：呢個係加利利人咩？
知道耶穌屬希律管轄，就打發佢去希律個處；個陣希律啱啱喺耶路撒冷。
希律一見耶穌，就好歡喜，因為好耐想睇見佢嘅咯。好多回聽見佢嘅事，想睇做出奇嘅事蹟呀。
故此好多說話問耶穌；但耶穌都唔答佢。
列位祭司嘅頭人，讀書人，企倒處釘硬耶穌。
希律共佢嘅兵丁輕忽戲弄耶穌，擰件白衫俾佢着，打發佢返去彼拉多嗰處。
平素彼拉多共希律對頭，個日兩家做朋友咯。
彼拉多叫埋列位祭司嘅頭人，各官府，與及百姓，對佢話：
你地𢬿呢個人解俾我，話，佢煽惑民心，我將你告佢嘅事，當堂審佢，但見佢有罪呀；
希律都係噉樣；因為我打發你去見希律佢都信耶穌冇當死嘅罪噃。
故此我將打佢，就放佢嚹。
因為照節期嘅例，是必放一個犯人。
大眾齊齊大聲叫，話：丟棄呢個人，放巴拉巴罷喇。
嗰個巴拉巴喺城中作亂，殺死人，故此坐監嘅。
彼拉多想放耶穌，又對眾人講。
眾人大聲叫話：釘佢喺十字架喇，釘佢十字架喇！
彼拉多再三對佢講話：佢行乜野惡呢？我唔見佢有當死嘅罪，故此我將打佢，就放佢咯。
眾人越發急切，大聲求釘耶穌喺十字架；就百姓列位祭司頭人嘅聲打贏咯。
噉就彼拉多斷定依佢地求嘅。
放作亂殺人至到坐監嗰個，即係百姓求嘅；就交耶穌俾百姓，從佢嘅意思。
拉耶穌個陣，有個古利奈人，西門，喺田返嚟，眾人捉住佢，𢬿十字架擠落佢膊頭，叫佢孭住跟隨耶穌。
大眾百姓跟住佢，又有好多女人，為佢哭得好悲哀。
耶穌[口佞]轉頭，睇吓佢，話：耶路撒冷嘅女呀，唔使為我啼哭，應當為你自己共你嘅仔啼哭呮 。
因為日子一到，人是必話：冇懷孕嘅女人，無生養嘅胎，冇啜嘅𢆡，有福咯。
個陣時，人將對山話：磧住我喇！對山仔話：埋我喇！
因為樹木都仲青綠，尚且噉樣，樹木已經枯槁，就將來點呢？
又拉兩個犯人嚟同埋耶穌，一齊殺佢。
去到一處地方，叫做頭顱處，就喺個處釘耶穌喺十字架，兩個犯人同埋佢：一個喺左邊，一個喺右邊。
耶穌話：父親呀，求你赦免佢，因為佢唔知道佢做嘅事呀。佢地就拈鬮，分開耶穌嘅衣服。
百姓企倒處睇，官府共大眾譏誚佢，話：佢救別二個人； 佢若係基督上帝揀擇嘅，就好救自己哩。
兵丁又戲弄佢，行近去俾的醋佢。
話：你若係猶太人嘅王，就好救自己哩。
佢頭上有一條標，係𢬿希利尼，羅馬，希伯來文字寫嘅，話：呢個係猶太王。
同埋釘十字架，個兩個犯人，一個譏誚佢，話：你若係基督，就好救自己共我地哩。
第二個責成佢，話：你同埋受一樣刑罰，做乜都唔怕上帝呢？
我地係應該駕，因為我受嘅合我做𡃉，但呢個人做嘅事，冇唔着嘅咯；
就對耶穌話：主，喺你嘅國嚟個時，記念我呀。
耶穌對佢話：我老實話你知，今日你是必同埋我喺快樂嘅園咯
自從晏晝正至到未時尾，通地方都變黑暗。
熱頭冇光；殿堂裏頭嘅圍帳喺中間裂開。
耶穌大聲叫，話：父親呀，我嘅神交托俾你嘅手咯；講完就斷氣。
有個百把總，睇見呢的事，就歸榮上帝話：呢個真係善義嘅人咯。
喊唪唥個的聚集嚟睇嘅百姓，睇見呢件事，就拍拍吓胸膛返去歸。
喊唪唥共耶穌相好嘅，及喺加利利跟隨耶穌嘅女人，都喺遠遠企倒處睇見呢件事。
有個係議事嘅人，名叫約瑟，佢係善嘅及義嘅人。
佢唔曾合祭司大家所謀所做嘅，佢係猶太，亞利馬太城嘅人，平素仰慕上帝國嘅。
入去見彼拉多，求佢攞耶穌嘅屍。
攞倒嚟，俾麻布包好，擠落石鑿嘅墳墓，唔曾有人葬過嘅。
個日係預備嘅日子，安息日係近咯。
喺加利利同埋耶穌嚟嘅女人，喺後邊跟住，睇佢嘅墳墓，共點樣葬埋佢嘅屍。
佢去歸，預備的香料共香油，安息日，遵照律法，就安息。