路加福音 3 · 1872《路加福音傳》（香港教育大學數據）

該撒提庇留，在位之十五年，本丟彼拉多，做猶太嘅總督，希律喺加利利做分封嘅國王，佢嘅兄弟腓力，喺以士利亞，及特拉可尼嘅地方，做分封嘅國王，呂撒聶喺亞比利尼做分封嘅國王。

亞那共該亞法做祭司長個時，撒加利亞嘅仔約翰，住倒曠野個處。上帝旨意，降落過佢。

就嚟到約但河，四邊傳悔攺嘅洗禮，致令人得赦罪。

照依先知以賽亞書中所講，曠野有人聲喓話，預備主大路，整直佢小路。

各山谷必被填滿，大小山必被掘低，彎曲嘅整到直，巖巉嘅整到平。

凡有血氣嘅人，必睇見上帝拯救嘅恩。

眾人嚟想受佢洗禮，約翰對佢地話，毒蛇之類呀，邊個教你避後來嘅刑罰呢。

所以當結果合於悔攺，你地唔好在你心話，我地有亞伯拉罕係祖宗呀，因為我話你知，上帝能將呢的石，變做亞伯拉罕子孫呀。

如今斧頭已經擠落樹脚嚟，但凡樹木唔結好菓嘅，就斬嘵𢫕落火處。

眾人就問佢話，我地應當做乜野呢。

約翰答佢地話，有兩件衫，就分過個個冇嘅，有食物都係噉樣。

又有收稅嘅嚟，想受洗禮，就問佢話，先生，我地應當做乜野呢。

約翰對佢地話，除嘵錢糧定額之外，就唔好要多的嚹。

兵丁又問佢話，我地應當做乜野呢，約翰對佢地話，唔好勒索人，唔好訛詐人，自己所得嘅糧，就好知足咯。

個陣時，百姓仰望基督嚟，心中揣度，唔知約翰就係唔係。

約翰對眾人話，我用水施洗你地，但有一個勝過我嘅嚟，即使我共佢解鞋帶，亦係唔稱，佢在於聖神共火施洗你地。

佢手擰個篩箕，要篩清佢嘅禾場，收麥入倉，用不滅嘅火嚟燒個的糠。

約翰另外有好多話，講福音嚟勸百姓。

分封嘅國王希律，因為佢兄弟腓力嘅妻，希羅底事，及所行各樣惡事，被約翰直諫。

佢乃反加増呢一件惡事，鎖住約翰在監。

大眾百姓受曉洗禮，耶穌亦親受洗禮，祈禱個時，天就開嘵。

聖神降臨在耶穌之上，形狀好似白鴿噉樣，喺天有聲出話，你係我嘅愛子，我所歡喜嘅。

耶穌個時，年紀大約三十歲，人地以為係約瑟嘅仔，約瑟以上係希里。

其上係馬塔，其上係利未，其上係麥基，其上係雅拿，其上係約瑟。

其上係馬大提亞，其上係亞麼士，其上係拿翁，其上係以士里，其上係拿該。

其上係馬押，其上係馬大提亞，其上係西美，其上係約瑟，其上係猶大，

其上係約亞拿，其上係利撒，其上係所羅把伯，其上撒拉鐵，其上係尼利。

其上係麥基，其上係亞底，其上係哥桑，其上係以摩堂，其上係耳。

其上係約細，其上係以列撒，其上係約令，其上係馬塔，其上係利未。

其上係西面，其上係猶大，其上係約瑟，其上係約南，其上係以利亞金。

其上係米利亞，其上係買南，其上係馬達他，其上係拿坍，其上係大闢。

其上係耶西，其上係阿伯，其上係波士，其上係撒們，其上係拿順。

其上係亞米拿達，其上係亞蘭，其上係以士崙，其上係法勒士，其上係猶大。

其上係雅各，其上係以撒，其上係亞伯拉罕，其上係他拉，其上係拿鶴，

其上係撒鹿，其上係拉苟，其上係法勒，其上係希伯，其上係撒拉。

其上係該南，其上係亞法撒，其上係閃，其上係挪亞，其上係拉麥。

其上係馬土撒拉，其上係以諾，其上係雅列，其上係馬勒列，其上係該南。

其上係以哪士，其上係設，其上係亞當，其上係上帝。