路加福音 4 · 1867《路加傳福音書》（香港教育大學數據）

耶穌被聖神感動，喺約但河番嚟，聖神引佢去到荒野。

四十日咁耐受魔鬼試佢，個時都唔食，日期已經滿，後來肚餓。

魔鬼話：「你果然係上帝嘅仔，就吩咐呢嚿石頭變做餅喇。」

耶穌答佢話：聖經有寫：人得生唔單止依靠餅，乃依賴上帝講嘅說話呮。

魔鬼帶耶穌去到一個高山，噏吓眼咁耐，就𢬿天下列國俾佢睇，

話：我將𢬿呢的權柄及佢嘅榮光，喊唪唥俾過你，因為個的已經交過我，隨我任意俾過人。

若你肯拜我，就盡地俾過你。

耶穌答佢話：撒但扯喇！聖經有寫：應該拜主你嘅上帝，獨係服侍佢呮。

又帶佢去到耶路撒冷，俾佢企倒殿堂頂高，對佢話：你若係上帝嘅仔，就自己跳落去喇；

因為聖經有寫：佢將吩咐佢嘅天使保護你。

𢬿手扶(住)你，免至你嘅腳碰着石。

耶穌答佢話：聖經有話：你唔好試主你嘅上帝。

魔鬼既經試完，就暫時離開耶穌。

耶穌有聖神嘅德能、去歸加利利，佢嘅聲名傳到四方。

喺各會堂教訓人，眾人稱讚佢。

去到拿撒勒，即係喺嗰處，養大嘅地方，按照佢嘅規矩，安息日入會堂企倒處，想讀聖書。

有人𢬿先知以賽亞嘅書遞俾佢；揭開就睇見個篇所寫嘅，話：

主嘅神降臨在我，因為佢𢬿膏抹我；俾我傳福音過貧窮嘅人聽，打發我醫個的傷心嘅人。

話過個的被擄掠嘅人知，可以得放釋，俾個的盲眼嘅可以睇得見，受傷嘅人可以得自由，宣揚主降福嘅年歲。

耶穌搇埋個部書，遞過管理會堂嘅人，就坐倒處；喺會堂裡頭個的人喊唪唥定眼睇住佢。

耶穌起首對佢話：呢的聖書，今日喺你嘅耳朵得應驗咯。

眾人為佢做證，出奇佢嘅口講好嘅說話，就話：呢個唔係約瑟嘅仔咩？

耶穌對佢話：你必定有俗話嚟對我話：醫生，應該醫好自己！聽聞喺迦百農所行嘅事，你亦應該喺自己本村行哩。

佢又話：我實在話你知，唔曾有先知喺自己本村有人睇重佢𡃉。

但我老實對你話，以利亞個陣時，天塞埋三年半，都冇雨落，周圍饑荒，以色列百姓中間有好多寡母婆；

以利亞唔曾受打發去探佢地一個，不過去西頓嘅撒勒大，探個一個寡母婆呮。

先知以利沙個陣時，以色列百姓有好多發瘋嘅，冇一個得乾淨，獨係敘利亞人乃縵得乾淨呮。

會堂裡頭個的人，聽見，大家都好嬲。

大眾起，趕耶穌出村外，拉佢去到山巖，即係個條村起倒處嘅山，想擁佢落去。

但耶穌喺眾人中間行嘵去。

去到加利利迦百農，喺安息日，教訓佢地。

眾人出奇佢嘅教訓，因為佢嘅說話有權。

喺會堂有個人，被個污糟鬼嘅神迷嘵，大聲叫話：

「唉！拿撒勒人耶穌，我地共你有乜相干呢？你嚟想敗壞我地咩；我知到你係乜誰咯，你係上帝嘅聖仔。

耶穌責罰佢，話：合埋口，出去喇！個鬼推倒嗰個人喺眾人中間，就出嘵去，但唔損傷嗰個人。

眾人見出奇，大家談論，話：佢有權有能吩咐個污糟鬼，污糟鬼就出去，個的係乜野道理呢？

噉就耶穌嘅名聲傳揚到嗰處周圍嘅村鄉。

耶穌出嘵會堂，入到西門屋企，西門嘅外母發熱，病得好深傷，有人代佢求耶穌。

耶穌行近，企倒處，責罰個熱病，熱就退嘵，嗰個女人就起身服事佢地。

熱頭落個時凡有各樣嘅病人，喊唪唥帶佢嚟到耶穌個處，耶穌逐一俾手摩吓，噉就醫好佢。

又有鬼喺好多人出嚟大聲叫，話：你係上帝嘅仔，基督。耶穌責罰佢唔准佢講，因為個鬼知道佢係基督呢。

清早，耶穌出到荒野，大眾搵倒佢，就留住佢，唔想佢去。

耶穌對佢話：我應該傳上帝國嘅福音喺別二個城，我因為個的事受打發𡃉。

噉就喺加利利嘅會堂傳講道理。