耶穌被聖靈充滿、喺約但河番嚟、聖靈引佢去到曠野。
四十日咁耐、被魔鬼試佢、個時冇得食、呢的日期過嘵、佢就肚餓。
魔鬼對佢話、你若係上帝之子、就吩咐呢嚿石變做餅喇。
耶穌答佢話、聖經有寫、人得生、不獨倚賴餅。
魔鬼又帶耶穌上高山、一息間、就𢬿天下列國俾佢睇。
魔鬼對佢話、我將𢬿呢的權柄、及列國嘅榮光、盡哋俾過你、因為呢的已經交過我、隨我意思俾過人。
故此你若肯拜我、就盡哋俾過你。
耶穌答佢話、聖經有寫、應該拜主你嘅上帝、獨係服事佢呮。
又帶佢去到耶路撒冷、令佢企倒殿頂上、對佢話、你若係上帝之子、就自己跳落去喇。
因為聖經有寫、佢必吩咐佢嘅天使保護你。
𢬿手扶住你、免至你腳踢親石、
耶穌答佢話、聖經有講、你唔好試主你嘅上帝。
魔鬼用盡試惑、就暫時離開耶穌。○
耶穌得聖靈嘅才能、番去加利利、佢嘅名聲傳到四方。
喺各會堂教人、眾人歸榮佢。
去到拿撒勒、即係佢長大嘅地方、在安息日、照佢規矩、入去會堂、企起處嚟讀聖書。
有人𢬿先知以賽亞嘅書遞過佢、佢就揭開嚟搵著個篇所寫嘅話。
主嘅靈降臨我、因為佢𢬿膏抹我、令我傳福音過貧窮嘅人聽、打發我話過被搶去嘅人知、可以得釋放、盲眼嘅可以睇得見、受傷嘅可以得自在、
又令我傳揚主嘅禧年。
耶穌搇埋個部書、遞過管理會堂嘅人、就坐倒處、在會堂嘅、人人都定眼睇住佢。
耶穌就對佢哋話、呢的聖書、今日應驗在你耳咯。
眾人為佢做證、聽聞佢口出咁恩惠嘅說話、以為出奇、就話呢個豈唔係約瑟嘅仔咩。
耶穌對佢哋話、你必定引古語嚟對我講、醫生應該醫好自己、我哋聽聞你喺加百農所行嘅事、亦應該喺自己本鄉都噉樣行哩。
耶穌又話、我實在話你知、冇先知喺自己本鄉、被人睇重佢𡃉、
但我實在對你話、以利亞個陣時、天閉塞埋三年零六個月、都冇雨落、週圍大饑荒、以色列百姓之中、有好多寡婦。
以利亞唔曾受打發去佢哋一個處、獨係去西頓地方嘅撒勒大、一個寡婦處呮。
先知以利沙個時、以色列百姓之中、有好多發瘋嘅、冇一個得潔淨、獨係敘利亞人乃幔得潔淨呮。
會堂裏頭咁多人、聽見呢的話、就好惱怒。
大眾起嚟、趕耶穌出城外、拉佢去到山巖、想擁佢落去、呢個山即係佢哋嘅城所起個處。
但耶穌行過眾人之中而去。○
去到加利利嘅加百農城、每安息日、教訓眾人。
眾人驚奇佢嘅教訓、因為佢所講嘅道有權柄呀。
喺會堂、有個人被邪鬼所迷、大聲叫話。
唉拿撒勒人耶穌、我哋於你何干呢、你嚟想敗壞我哋咩、我知到你係乜誰、乃係上帝嘅聖者咯。
耶穌責成佢話、合埋口、出去喇、鬼就推倒個人、喺眾人之中出去、冇損傷佢。
眾人見出奇、彼此相講話、呢的係乜野道理呢、因佢用權能吩咐個邪鬼、邪鬼就出去。
噉就耶穌嘅名聲、傳揚到各處地方。○
耶穌出嘵會堂、入到西門家中、西門嘅外母發熱、病得好深傷、有人代佢求耶穌。
耶穌行前、企倒佢側邊、斥逐個熱病、熱就退嘵、個婦人即時起身、服事佢哋。
熱頭落個時、凡有各樣病嘅人、帶齊佢哋嚟耶穌處、耶穌逐一俾手摩吓、就醫好嘥佢哋。
又有鬼喺好多人嘅身上出嚟、大聲叫話、你係上帝之子呀、耶穌責罰佢、唔準佢講、因個的鬼識佢係基督。○
清早耶穌出到曠野大眾搵倒佢、就留住佢、唔想佢離開佢哋。
耶穌對佢話、我亦要在別個城、傳上帝國嘅福音、我因呢的事、受打發嚟𡃉。
噉就喺加利利各會堂傳道。