踰越節第二日後、第一個安息日、耶穌經過禾田、門生摘的禾穗、使手搓甩嚟食。
有幾個法利賽人話、安息日唔著做嘅事、為乜你哋做呢。
耶穌答佢哋話、大闢共跟隨佢嘅人、肚餓個時、所做嘅事、你唔曾、讀過咩。
即係入上帝殿、擰擺設嘅餅嚟食、又俾過跟隨佢嘅人食、但個的餅、獨係祭司致食得呮。
又對佢哋話、人子孫安息日嘅主呀。○
又一個安息日、耶穌入會堂教訓、喺個處、有一人、佢隻右手乾枯嘅。
個的讀書人法利賽人𥅾耶穌安息日醫人唔醫、想搵的事嚟告佢。
耶穌知到佢哋嘅意思、就對個手枯嘅人話、起身、企倒中間、個人就起身企處。
耶穌對大眾話、我問你一句、喺安息日、行善事、行惡事、救生命、殺生命、邊樣係著呢、
就周圍睇住眾人嚟對個人話、伸開你手喇、佢一伸開、個隻手就好番。
眾人就好惱、彼此斟酌、點樣處置耶穌、○
個時耶穌上山祈禱、成夜求上帝。
到第二朝、叫埋門生嚟、喺佢哋之中、揀擇十二個、又稱佢做使徒。
即係西門又叫做彼得、共佢嘅兄弟安得烈、亦有雅各、約翰、腓力、巴多羅買、
馬太、多馬、共亞勒腓子雅各、及叫做銳教嘅西門。
更有雅各嘅兄弟猶太、共賣主嘅加略人猶大。
耶穌同使徒落嘵山、企倒平地、有好多門生共眾人、喺猶太四方、耶路撒冷、推羅西頓嘅海邊嚟、想聽佢講、又望耶穌醫佢嘅病。
又有被邪鬼難為嘅、俱得醫好。
群眾都想摩吓耶穌、因為有權能由佢出、醫好眾人。○
耶穌擔高頭睇住門生話、你哋貧窮嘅有福咯、因為上帝國係你哋嘅。
你哋如今肚餓嘅有福咯、因為你將來得飽呀。你哋如今啼哭嘅有福咯、因為你將來必得笑呀。
為人子嘅名、被人憎惡你棄絕你、怒罵你、厭恨你嘅名、當你係惡嘅、就有福咯。
當個日、歡喜到跳、因為你哋喺天所得嘅賞賜係大、佢嘅祖宗看待先知、都係噉樣。
但係你哋財主嘅有禍咯、因為你已經得你嘅安慰。
你哋如今飽足嘅有禍咯、因為你將要飢餓。你哋如今喜笑嘅有禍咯、因為你將要悲哀啼哭呀。
你哋被眾人稱讚嘅有禍咯、因為佢嘅祖宗、看待個的假冒先知嘅、都係噉樣呀。○
聽道嘅人呀、我話你哋知、共你做仇敵嘅、要愛佢、怨恨你嘅、要好看待佢。
咒詛你嘅、要祝福佢、難為你嘅、要代佢祈禱。
有人打你呢便顋頰、就(口佞)轉個便俾佢摑、搶你外便嘅衫、你就連埋裏便個件、都唔禁佢搶。
但凡求你嘅、就俾過佢、擰你物件嘅、唔好共佢攞番。
你想人哋噉樣待你、你亦要噉樣待人。
你若愛個的愛你嘅、有乜恩惠呢。因罪人亦愛個的愛佢嘅。
你若好看待個的好看待你嘅、有乜恩惠呢、因罪人亦係噉樣呀。
你若借過人嘅、望佢還番、有乜恩惠呢、因罪人借過罪人、亦要佢照數還番呀。
但共你做仇敵嘅、要愛佢、又要行善、而且借過人、亦唔望佢還番、噉你就得大賞賜咯、又做至上者之子、因為佢善待個的忘恩嘅、與及惡人。
你哋應該憐憫、好似你天父係憐憫嘅呀。
唔議論人、就唔被人議論你、唔定人罪、就唔被人定你罪、恕免人、就被人恕免你。
你俾過人、人就俾過你、即係𢬿個大斗㩒落去、𢳆到實、滿到流出嚟、擠落你懷抱、因為你用點樣斗量過人、人亦用噉樣斗量番你。○
耶穌又講譬喻對佢話、盲眼嘅、點拖得盲眼嘅呢、唔係兩個都跌落坑咩。
門生唔勝得過老師、但係學得齊全嘅、就同佢老師一樣。
你兄弟眼裏有條刺、你就睇見、你自己眼裏有條杉、你自己都唔見覺、為乜呢。
點能對兄弟話、兄弟呀、你眼裏有條刺、等我共你擝出嚟、但自己眼裏有條杉、都唔見覺咩。偽善嘅人呀、先要擝出自己眼裏嘅杉、後來致睇得明白、擝出兄弟眼裏嘅刺呀。
因為好樹、冇結唔好嘅果、又唔好樹、冇結好嘅果。
但凡樹木、睇佢嘅果就識得佢出咯、因為在荊棘中、唔摘得倒無花果、在蒺藜中、唔摘得倒菩提子。
善人由心積埋的善、所發係善、惡人由心積埋的惡、所發係惡、因為由心充滿嘅、口就講出嚟。○
你為乜稱我做主呀主呀、又唔照依我嘅話嚟行呢、
我話你知、但凡親近我、聽我話嚟做嘅、佢好比乜野人呢。
好比一個人起屋、掘到深處、落墻腳在大石之上、就係大水漲滿起嚟、橫衝個間屋、都不能搖動佢、因為牆腳喺大石之上呀。
但聽嘵唔去做嘅、好比起屋、喺泥土之上、冇好地腳、流水掉横一衝、個間屋即時跌嘵、就爛得好交關呀。