耶穌講完咁多說話過百姓聽，就入迦百農。
有個百把總，佢所愛嘅僕病到將近死。
聽聞耶穌所行嘅事，就打發猶太人嘅長老去求耶穌嚟醫佢嘅僕。
長老見耶穌，就懇切求，話：「佢係好人，共佢做呢件事係着嘅，
因佢愛我哋百姓，而且爲我哋起間會堂。」
耶穌同埋個的人去，離屋冇幾遠個時，個百把總打發朋友嚟見耶穌，話：「主，唔使勞動咯，因爲你到我屋舍，我唔敢當。
故此我以爲自己亦唔稱嚟見你；但求你講一句話，我嘅僕就必得好番。
因爲我都屬大官權下，亦有兵屬我權下，吩咐呢個『去』，就去；吩咐個個『嚟』，就嚟；呌我嘅僕『做呢件事』，就做呢件事咯。」
耶穌聽聞呢的說話，就見出奇，囘頭睇吓跟佢嘅衆人，話：「我話你知，喺以色列人之中唔會見過咁大嘅信德呀。」
受打發嘅人去歸個時，睇見個僕已經好番咯。
第二日，耶穌入到一個城，名呌拿因，有門生共衆人同行。
將近城門，有人撞個死人出嚟，佢母親獨係生呢個仔呮，而且佢係寡婦；城裏嘅人好多嚟相送。
主睇見個寡婦，就憐憫佢，話：「唔復啼哭。」
就行前去，摩吓個死人嘅架，個的擡死人嘅就歇住。耶穌話：「少年人呀，我吩咐你起身！」
個死者就起身坐倒處，講說話；耶穌以佢交番佢母親。
衆人就慌起嚟，歸榮上帝，話：「有大先知興起在我哋之中！」「上帝照顧佢嘅百姓咯！」
噉就呢個風聲傳揚通猶太與及周圍地方。
約翰嘅門生摵呢的事話嘥過佢知，約翰就叫兩個門生嚟，
打發佢哋去見主，話：「應當嚟嘅就係你唎咩？抑或重要望第二個人呢？」
個兩個人到耶穌處，就話：「施洗禮嘅約翰打發我嚟見你，問：『應當嚟嘅係你，抑或重要望第二個人呢？』」
個陣時，耶穌醫好多人嘅病症及被惡鬼迷嘅，又令好多盲眼人睇得見。
耶穌就答佢哋話：「摵你所見所聞嘅去話過約翰知，卽係盲嘅睇得見，跛嘅噲行，痲瘋嘅得潔浄，聾嘅得聽聞，死嘅復生，貧窮嘅得聽福音。
凡係唔厭棄我嘅，就有福咯。」
約翰打發嘅人已經番去，耶穌就講起約翰，對衆人話：「你出曠野睇乜野呢？想睇風吹蘆荻草咩？
你出去睇乜野呢？想睇一個着好衣服嘅人咩？但個的着華美衣服、安安樂樂度日嘅，係在王宮嘅呀。
到底你出去想睇乜野呢？睇先知咩？眞係咯，我話你知，佢係大過先知者多呀。
聖經有寫：『我打發我嘅使者喺你面前，在先預偹你嘅路。』卽係指呢個人咯。
我話你哋知，婦人所生嘅未有一個大得過約翰呀，但㗚上帝國至細嘅都大過佢。」
衆百姓及收稅嘅已經受約翰洗禮，如今聽聞呢的話，就稱上帝爲公義。
但咲唎嚑人及教法師唔受約翰洗禮，棄絶上帝嘅旨意嚟損害自己。
主又話：「我將乜野嚟比較呢個世代嘅人呢？佢哋好比乜野呢？
好比細仗仔坐倒市上，彼此相呌，話：『我哋對住你吹簫，你唔跳舞；我哋唱哀歌，你唔啼哭。』
施洗禮嘅約翰嚟，佢唔食餅、唔飲酒，你哋就話：『佢係被鬼迷。』
人子嚟，又飲又食，你哋就話：『嚟，佢好飲好食嘅人，係稅吏及罪人嘅朋友。』
惟係智慧嘅仔，個個都明智慧嘅義呀。」
有個咲唎嚟人請耶穌食飯，耶穌入佢屋裏坐席。
城裏有個女人，平日有惡行嘅，知到耶穌坐倒咲唎嚟人屋裏，就撙個玉盒載住香膏，
企在耶穌後便啼哭，眼淚流濕耶穌嘅腳，械自己頭髮嚟抹，又俾嘴親耶穌嘅腳，將香膏搽落去。
請耶穌食飯嘅咾喇嚽人睇見呢的事，心裏就話：「呢個人若係先知，就是必知摩佢嘅係乜誰，亦知係點樣嘅人咯，因爲佢係行惡嘅呀。」
耶穌對佢話：「西門，我有的事話你知。」西門話：「老師，請講喇。」
耶穌話：「一個債主有兩個債仔，一個欠銀五十兩，一個欠銀五兩。
因爲兩個都冇得還，債主就免曉佢嘅。佢兩個人邊個愛債主多呢？」
西門答話：「我估個個免得多嘅。」耶穌對佢話：「你估得着咯。」
就囘頭睇住個女人，對西門話：「你睇見呢個女人喇？我入你屋裏，你唔曾搣水洗我腳，惟係佢俾眼淚流濕我腳，俾佢頭髮抹番乾。
你唔曾親我嘴，惟係佢自從我入嚟，就不歇親我腳。
你唔曾搣膏搽我頭，惟係佢搣香膏搽我腳。
所以我話你知，個女人罪惡多，我赦曉佢嘅，因爲佢愛係多；但個的赦得少嘅，佢愛亦係少呀。」
就對個女人話：「你嘅罪赦曉咯。」
同席嘅人私下講，話：「呢個係乜野人，噲赦得人罪呢？」
耶穌對個女人話：「你嘅信德救曉你，可以平安去歸咯。」