之後，耶穌去各村鄉，各城，周圍遊行，傳講上帝國嘅福音，十二個學生同埋佢去。
又有幾個女人，平日俾鬼迷，染病，已經醫好嘅，即係抹大拉嗰個馬利亞，也曾由呢個女人趕七隻鬼出嚟嘅咯，
又有希律嗰個管家苦撒嘅老婆約亞拿，又有穌撒拿，另外有好多女人都𢬿佢所有嘅嚟供奉耶穌。
眾人係各村城裡聚集嚟見耶穌，耶穌講比喻，話：
有個撒種嘅人，出去撒種，撒個時，有的種落在路邊，被人踩嘵,雀仔嚟食嘵。
有的落在沙嘅地，生出嚟就枯嘵，因為冇乜滋潤。
有的落在荊棘裡頭，荊棘同埋一下生，就𢬿佢壓住。
有的落在肥田嘅，生出嚟，結實有一百倍。講完，就大聲話：有耳朵可以聽嘅，就應該聽嚹！
學生嚟問，話：呢個比喻係乜野呢？
耶穌話：上帝國嘅奧妙俾你知呮；若係別人，就講比喻，俾佢睇，又唔明白，聽，又唔曉得。
呢個比喻係噉樣：種，即係上帝嘅道。
喺路邊嘅，係人聽道；魔鬼就嚟，由佢嘅心搶去，恐怕佢信，就得救呀。
喺石地嘅，係人聽道，就歡喜接受；但裏頭冇根不過暫時信呮，遇着患難，就背嘅咯。
落在荊棘中間嘅，係人聽完道，就去嘵，為因今世嘅掛慮、財帛、快樂、押住個的道，所以唔結得實呮。
喺肥地嘅，係人𢬿善良嘅心嚟聽道，緊守忍耐，噉就結實咯。
人點着燈，唔俾野遮埋，又唔擠倒床下底；乃係擠倒臺上，俾人入嚟，睇見個光。
因為冇隠埋嘅，唔顯明，冇人隱藏嘅，唔露出。
所以謹慎，睇吓點樣聽；因為有嘅，就俾的佢添；冇嘅，就將連佢自己估係喺有嘅都搶嘵。
耶穌嘅老母同佢嘅兄弟嚟，因為人多，唔行得近佢。
有人對耶穌話：你老母共你兄弟企喺倒外邊，想見你呀。
耶穌答佢話：聽上帝嘅道理，又按照噉樣行嘅，就係我嘅老母共我兄弟咯。
一日耶穌共學生落船，對佢話我地過湖哩！就開身。
行開船個時，耶穌瞓着。喺湖中間忽然翻起大風，打得滿船水，十分危險。
行近叫醒耶穌，話：先生！先生！我地死咯！耶穌就起身，喝個風共個浪，即時就風平，浪靜。
對學生話：你嘅信德喺邊處呢？大眾慌起嚟，見出奇，相講話：呢個係乜誰呢？吩咐個風共水都聽佢話。
個船行到加大拉地方，共加利利對面。
耶穌上岸個時，遇著有個人，係喺城出嚟嘅，嗰個人被鬼迷嘵，好耐嘅咯，唔着衫，又唔喺屋企住，住倒墳墓裡頭嘅。
一見耶穌，就跪倒耶穌面前，大聲叫，話：至高上帝嘅仔，耶穌，我共你有乜相干呢？求你唔好俾我受苦咯。
因為耶穌也曾吩咐邪神離嘵嗰個人，嗰個人已經被鬼勉強搶奪佢好耐嘅咯，雖然被鎖鍊鎖住佢，被腳枷，枷住佢，都𢬿鎖鍊，腳枷嚟整斷，被鬼趕去到荒野。
耶穌問佢，話：你叫做乜野名呢？佢話：叫做軍營；因為迷佢嘅鬼有好多。
就求耶穌，唔好俾佢落陰府。
嗰處有一群豬，喺山上食野。嗰鬼求耶穌寬容佢入豬群；就准佢。
個的鬼就離開嗰個人，入去豬群；忽然一群豬都落山入湖浸死。
看豬嘅人，睇見個的事情，就走入城裡，走落鄉下，周圍話俾人知。
眾人出嚟想睇個的事情，嚟到耶穌個處，睇見先頭俾鬼迷嗰個人着番衫，自自然然坐倒耶穌腳下；眾人就慌起嚟。
親眼睇見嘅人，就話被佢知，嗰個俾鬼迷嘅人點樣得醫好。
加大拉周圍個的地方嘅人求耶穌，離開個處；因為佢地十分恐怕。耶穌就落船番去。
先頭被鬼迷嗰個人，佢求跟隨耶穌。耶穌推卻佢。
又對佢話：你可以去歸，𢬿上帝為你做嘅大事，話俾人知！嗰個人就去周圍城裡講耶穌為佢做嘅大事,
耶穌番嚟，眾人接佢；因為眾人等候佢。
有個管理會堂嘅人，名叫睚魯，嚟跪倒耶穌腳下，求耶穌去佢屋企。
因為有個獨女，正話十二歲呮，將近死咯。耶穌行去個時，眾人好擠擁。
有個女人，染血漏嘅病，已經十二年嘅咯，請先生醫，使埋家事，都冇個醫得佢好。
就跟住耶穌背後，摸佢嘅衫邊；個血漏忽然就止嘵。
耶穌話：邊個摸我呢？大家都唔肯認；彼得共埋同在個的人話：先生，大家噉擠擁迫埋身邊，你又問，邊個摸我噉話咩？
耶穌話：有人摸我；因為我嘅身有的異能出嚟呀。
嗰個女人知道，唔隱瞞得過，就噉震，行前去，跪倒耶穌腳下，喺眾人面前認(明)摸佢嘅緣故，共埋點樣即時得醫好。
耶穌對佢話：女呀，你可以安心咯！你嘅信醫好你，安安樂樂去歸喇。
講話個陣時，有個人喺管理會堂，嗰個人嘅屋企嚟，話：你嘅女已經死嘵咯，唔使勞動先生咯。
但耶穌聽見，就對佢話：唔使慌，獨係信呮，你嘅女就有得救咯。
入屋個陣時，除嘵彼得、雅各、約翰，共個女仔嘅父母，另外唔俾第二個人入。
眾人哭得好傷心；但耶穌話：唔使啼哭，個女仔唔係死，不過瞓落覺呮。
眾人知道佢已經死，就都笑佢。
耶穌打發眾人出去，就拉着個女仔嘅手， 叫佢，話：女仔，起身喇。
佢嘅神番嚟，就起身；耶穌吩咐俾野過佢食。
佢嘅父母又慌又出奇；耶穌吩咐唔好𢬿佢做嘅事話，俾人知。