耶穌叫齊十二個門生嚟，俾佢有權勢，可以制鬼醫病。
打發佢傳講上帝嘅國，醫有病嘅人。
又對佢哋話，唔使帶盤費，或枴杖，或袋，或口粮，或銀，又每人唔使帶兩件衫。
凡入入家，喺個處住，亦由個處去。
有人唔接你哋，你離開個城之時，就拍乾淨脚底的塵，嚟做眾人嘅見證。
門生出去，在各村鄉遊行，處處傳福音，醫人嘅病。
分封嘅國王希律，聽見但凡所做嘅事，就好疑惑，因為有的話，係約翰由死復生。
有的話，係以利亞顯現，又有的話，係古時嘅先知，其中一個復生。
希律話，約翰我已經斬嘵咯，如今又聽聞噉嘅事，呢個實在係乜誰呢，就想見佢。
使徒番嚟，𢬿所做嘅事，囘覆耶穌，耶穌就帶佢靜靜出去，到一個城叫做伯賽大。
眾人知到，就跟住佢，耶穌接嘵眾人，共佢講論上帝嘅國，凡有病要醫嘅，就醫好佢。
熱頭側個時，十二個門生嚟對耶穌話，請你叫眾人散，令佢去各村鄉歇宿，與及揾野食喇，因為我哋在呢處係曠野呀。
但耶穌對佢哋話，你哋俾佢食喇，門生話，我哋獨係有五個餅兩條魚呮，唔通去買食物，俾佢哋大眾食咩，
因為大約有五千人呀。耶穌又對門生話，叫大眾排開坐倒處，每隊五十人。
佢照依噉做，叫大眾坐倒處。
耶穌擰起個五個餅兩條魚，望住天祝謝，擘開交過門生，叫佢派開喺眾人面前。
大眾都食到飽，執埋餘剩嘅砸碎，裝滿十二籃。
耶穌閒住，自己祈禱個時，門生都同埋佢喺處，耶穌問佢哋話，眾人話我係乜誰呢。
門生答佢話，有人話係施洗嘅約翰，有人話係以利亞，有人話係古時嘅先知，其中一個復生。
耶穌對佢哋話，但你哋話我係乜誰呢。彼得就答話，你係上帝嘅基督咯。
耶穌禁止佢，吩咐咪話過人知。
又話，人子是必受好多害，被長老、共眾祭司長及讀書人丟棄，而且被人殺嘵，第三日復生。
又對大眾話，想跟從我嘅，就應該克勝自己，日日孭十字架嚟跟從我。
因為但凡想救佢生命嘅，必定失佢生命，但凡為我嘅事，失嘵生命嘅，必定救佢生命。
人若得嘥天下嘅利益，但喪失自己嘅生命，有乜益呢。
但凡有人當我共我嘅道理係羞恥。到人子將自己榮光，共埋天父及聖使嘅榮光降臨個時，又必定當個人係羞恥咯。
我實在話你知，企倒呢處嘅，有人未死之先，必得見上帝嘅國。
講呢的說話之後，大約有八日，耶穌帶彼得約翰雅各，上山祈禱。
祈禱個時，容貌比之平日唔同，佢嘅衣服，潔白而且放光。
忽然間，有摩西以利亞兩個人，共耶穌講。
在榮光中顯現出嚟，講論耶穌去世之事，要在耶路撒冷做成嘅。
彼得及同埋嘅人， 因為疚癐，就瞓着，臨醒之時，睇見耶穌嘅榮光，又有兩個人共佢企處。
個兩人離別佢之時，彼得對耶穌話，夫子，我哋喺呢處好咯，等我哋搭三間茅屋，一間為你，一間為摩西，一間為以利亞，但自己唔知講乜野。
講緊個時，有雲遮住佢哋，入雲裏頭，門生就慌起嚟。
有聲喺雲間出嚟話，呢個係我嘅愛子，你哋應該聽佢話呀。
聲音歇後，見耶穌獨自喺處，門生當日總唔出聲，唔𢬿所見嘅事話過人知。
第二日，落山個時，有羣眾迎接耶穌。
其中有一人，大聲叫話，老師，求你睇顧我嘅仔，因為我獨係生佢呮。
佢有時被鬼揸住，忽然叫喊，抽起筋嚟，口流白泡，鬼傷害佢，實在難離開呀。
我也曾求你嘅門生趕佢，但佢哋不能。
耶穌答話，唉，不信及背逆嘅世代，我同埋你喺處，忍耐你哋到幾時呢，帶你嘅仔嚟呢處喇。
適值嚟個時，個鬼推倒佢，又抽起筋嚟，耶穌責罰個邪鬼，醫好個仔，交番佢父親。
眾人驚奇上帝嘅大權能，佢哋於耶穌所做嘅事，正在見出奇個時，耶穌對佢門生話。
人子將賣過人手咯，呢句說話，你應該藏埋耳裏呀。
但係門生唔曉呢句說話，因為係隱密嘅，故此唔明白，又唔敢問佢。
門生發起議論邊個為大。
耶穌知到佢哋心內嘅意思，就帶一個細蚊仔嚟，安置在側邊。
對門生話，但凡因我名，接呢個細蚊仔，即係接我，接我即係接打發我嘅。因為在你哋之中至細嘅，佢係做大嘅呀。
約翰答話，夫子，我哋睇見一個人，借你名趕鬼，我哋禁止佢，因為佢唔跟從我哋呀。
耶穌對佢話，唔好禁止佢，因為唔共你做對敵嘅，就係歸從你哋嘅咯。
耶穌升天嘅日子將到，就立定主意，面向耶路撒冷而行。
打發使者先去，佢哋去到撒馬利亞地方，入一條村，替佢預備地方。
個條村嘅人，唔肯招接，因為佢面向耶路撒冷行呀。
佢嘅門生雅各，約翰，睇見噉樣，就話，主呀，我叫火從天落嚟，燒滅佢哋，照依以利亞所做嘅噉，你想唔想呢。
耶穌回頭責成佢哋話，你哋嘅心點樣你自己都唔知到。
人子嚟，唔係滅人嘅生命，實係救佢嘅，噉就去第二條村。
行路個時，有一人對耶穌話，唔論你去邊處，我必跟從你。
耶穌答佢話，狐狸有穴，空中嘅雀鳥有巢，但人子連枕頭嘅地方都冇呀。
又對第二個人話，跟從我喇，但佢話，主，准我先番去歸，埋葬我嘅父親。
但耶穌對佢話，任從死人，葬佢嘅死人，你去傳上帝國嘅道理。
又有一個人話，主，我想跟從你，但准我先去歸，共我家內嘅人辭別呀。
耶穌對佢話，手執犁耙，又回頭睇後便嘅，在上帝國唔合呀。