1
亞伯拉罕嘅後裔，大衛嘅後裔，耶穌基督族譜。○
2
亞伯拉罕生以撒，以撒生雅各，雅各生猶大，共埋佢嘅兄弟；
3
猶大從大馬氏生法勒士、撒拉；法勒士生以士崙，以士崙生亞蘭；
4
亞蘭生亞米拿達，亞米拿達生拿順，拿順生撒門；
5
撒門從喇合氏生波士，波士從路得氏生阿伯，阿伯生耶西；
6
耶西生大衛王；大衛從烏利亞嘅妻生所羅門；
7
所羅門生羅波安，羅波安生亞比亞，亞比亞生亞撒；
8
亞撒生約沙法，約沙法生約蘭，約蘭生烏西亞；
9
烏西亞生約坦，約坦生亞哈斯，亞哈斯生希西家；
10
希西家生馬拿西，馬拿西生亞門，亞門生約西亞；
11
百姓被擄去巴比倫個時，約西亞生耶哥尼亞，共埋佢嘅兄弟；
12
被擄到巴比倫之後，耶哥尼亞生撒拉鐵，撒拉鐵生所羅把伯；
13
所羅把伯生亞比玉，亞比玉生以利亞金，以利亞金生亞所；
14
亞所生撒鐸，撒鐸生亞金，亞金生以律；
15
以律生以利亞撒，以利亞撒生馬但，馬但生雅各；
16
雅各生約瑟，卽係馬利亞嘅丈夫；馬利亞生耶穌，稱爲基督。
17
噉樣，自亞伯拉罕起到大衛共十四代；自大衛起到被擄去巴比倫之時亦係十四代；自搬到巴比倫起到基督又係十四代。
18
耶穌基督出世列明在後：佢母親馬利亞係已經許聘約瑟，但未曾過門，覺得佢受聖神感動嚟懷孕。
19
佢個丈夫約瑟係公義嘅人，唔肯顯然羞辱，但就想靜中退親。
20
正在想開呢的事個時，主嘅使者在夢中顯現過佢，話：「大衛嘅後裔約瑟呀，唔怕娶你嘅妻馬利亞，因爲佢所懷之孕係從聖神感動嘅，
21
佢將來生個仔，你就改佢名做耶穌，因佢要救佢百姓出罪惡中嘅。」
22
凡呢的事做成，就應驗主託先知所講話：
23
「⟦前置二字未辨⟧將來有個未嫁嘅女懷孕生仔，人必呌佢名做以馬內利，繙譯卽係上帝同埋我哋。」〔疑字／讀法待核實；見本章註記〕
24
約瑟瞓醒起身，依住主嘅使者吩咐去做，就娶佢妻。
25
但唔共佢同房，至到佢生仔，就改佢名做耶穌。