過六日、耶穌帶住彼得、雅各、與及雅各嘅兄弟約翰上高山幽靜之處、
喺佢哋面前變化、佢面貌光亮、好似熱頭、佢衣服潔白、好似有光。
忽然摩西、以利亞、現形過佢哋睇、嚟共耶穌講。
彼得對耶穌話、主呀、我哋喺呢處好咯、你若係肯、我就喺呢處搭三間茅屋、一間、為你、一間為摩西、一間為以利亞。
佢講緊個時、忽然有光明嘅雲遮住佢哋、而且有聲從雲中處話、呢個係我嘅愛子、我所歡喜嘅、你哋要聽佢話。
門生聞得、就𡂈倒地處好慌。
耶穌近前摩吓佢哋話、你起身、唔使慌。
門生舉眼、唔見有一個人、獨係耶穌呮。○
落山個時、耶穌吩咐佢哋話、咪𢬿所見嘅講過人知、等到人子由死復生致講呀。
門生問佢話、為乜事讀書人話、以利亞必要先嚟呢。
耶穌答話、以利亞確係嚟、再興起各樣嘅事。
但係我話你哋知、以利亞已經到、眾人唔識得佢出、惟係隨意嚟待佢、噉樣、人子亦要受佢哋陷害咯。
門生噉致曉得佢所講、係指施洗禮嘅約翰。○
佢哋已經到眾人處、有個人嚟、跪倒耶穌處話、
主呀、憐我嘅仔、因為佢發羊吊、極苦楚、屢次跌落火、亦屢次跌落水處。
我帶佢嚟你門生處、佢哋不能醫得佢。
耶穌答話、(口挨)冇信德與及悖逆嘅世代呀、我同你哋喺得處幾耐呢、我忍耐得你哋幾耐呢、帶個仔嚟我處囉。
耶穌就責罰個鬼、鬼就出去、個仔自個陣時好番。
門生靜靜嚟耶穌處話、我哋因何不能趕得佢出呢。
耶穌對佢哋話、因你信德少呀、所以我實在話你知、若係有信德、好似芥菜仁噉、即使對呢個山話、由呢處(扌殷)去個處、都必(扌殷)得、而且你哋冇一件事不能做嘅。
（倘若唔祈禱禁食、呢的族類唔出去𡃉。）。
當經遊加利利個時、耶穌對門生話、人子要交過人哋嘅手、
人哋是必殺佢、第三日必復生、門生噉就好閉翳。○
佢哋入到迦百農、有收丁稅嘅人、到彼得處話、你老師納丁稅唔納呢。
彼得話、係。彼得入屋個時、耶穌先向佢話、西門、你意思點呢、世上各王、向乜誰收關餉、或錢糧呢、向自己嘅仔吖、抑或向外人呢。
彼得話、向外人咯、耶穌話、噉就個的仔可免咯。
但係怕佢厭棄我哋、你去喺海處釣魚、將先釣倒個條魚、擘開佢口、必搵得銀一塊、𢬿嚟替我共你納過佢喇。